عزيزتي : أذكري الله
والشيطان حي مامات وعلى فكره ترى نحن بني ادم نخطي ونتوب يمكن الجشع الي صاير بهالوقت يخلي الأدمي يتصرف بتصرفات حبه للمال وأكثر الناس تزعزعة عقولها واصبحة وانتم بكرامه كالبغال او كالحيوانات تفكيرها في الطعام والشراب والناس هاذي الي تتصف بصفات حيوانه اصبح همها جمع الأموال حتى لو على حساب دينهم الي هم من اساس تخلو عنه او على حساب كرامتهم الا انا متاكد تمام التاكد انه لاوجود لها
أما ياعزيزتي بكلمتك انه مهبط الوحي والرساله حاب ابينلك مو اتفلسف المقصود فيهم مكه والمدينه يعني السعودية ترى مايشملها هالكلام كلها
وانت خابره يوم حرب الخليج الناس كلها انحاشة مكه والمدينه
يعني الناس عارفه وين مكان الدين وكيف تلجئله ومتى تلجئله على العموم احس شوي طلعت من الموضوع

عزيزتي انا شاب طيب ما أقول أني وسيم يعني زوين
ويصير معي العن من الي يصير معك
لدرجه اني كرهة المستشفيات والسبب هالموضوع
وراذكرلك سالفه انا كنت قبل فتره مولع بشي اسمه بانشي والخرابيط هاذي
وطحة مره منه وصارت بوجهي وبيدي جروح طفيفه ولله الحمد راحت
عاد الزبده رحت للمستشفى طال عمرك وتمسكني دكتوره لبنانيه وتمسك معها الا انزع ملابسي كلها
أقولها يا ادميه بس الأثار بوجهي ويدي تقولي لا وكان معي زميلي شاهد وكان هو الي موصلني المستشفى
وانشبت لخويي الا يطلع وانا انزع كل شي وخويي راح نادى الدكتور اخر شي لما دخلت ابتسمت لدكتور وابتسم لها وقالها خلاص الادمي مافيه شي بس خذيله اشعه لاني وانتم بكرامه رجعت واذا الواحد طاح ومارجع يعني نزيف داخلي كفاني الله واياكم ايه والمسلمين اجمعين
فياعزيزتي والله هاذا موقف واحد انا اذكره لك وغير وغير
مره رحت شركة أبي اتوظف والشركه كلها اجانب وفيها بنات سعوديات موجودين بقسم التوظيف
شوي والسعوديه بتخش فيني اول ماطلع الرجال الي بقسم التوظيف قامو يتكلمون انا مطلقه طيب انا جالس وش دخلني تسمعوني كلامك وزوجي مادري وشو واحس بفراغ طيب في انا رجال موجود بالمكان عيب تسلفون هالسوالف بس والله جطل يعني انا لو مو جالس اكح اتوقع راحت علي هههههههههههه
ومواقف والله بالهبل في منها الي يضحك وفي منها الي يشيب الراس
فيختي اهم شي انتبهي لحياتك ودينك صحيح الفتن كثيره واغلى الناس صارت ماتخاف رب العالمين
واذا تبين نصيحتي خلي واسطتك رب العالمين
وقبل أي وظيفه أستخيري ربك
وصدقيني بيجي يوم وبتتذكريني اذا قريتي رسالتي وبتقولين الله يجزاه خير
والله يرزقك ويوفقك ويستر عليك
أهم شي انتبهي لنفسك واهلك ترى حتى المال مايسوى اظافرهم
وشكراا


بوسارا