اقتباس:
المشاركة الأصلية كتبت بواسطة منتهية مدته
تسلم والله اخوي العنزي ..
بس ياليت تقول لي كيف اتواصل معهم لا هنت ..؟
ايضا ابي نصايجك في المقابلة .. وش ممكن يوجهون لي من اسئلة وكيف ارد عليها ؟؟
ايضا وش البرنامج اللي رشحوني له .. وكم مدته ؟؟
ادري انك بلشت بي .. وسببت لك ازعاج ..
لكن ماجور ان شاء الله والله يجعلها في موازين اعمالك ويرزقك الوظيفة اللي تتمناها ..
|
تتواصل معاهم عن طريق ارقام خاصة بالتوظيف،،
المقابلة بسيطة جداً،، تتكلم عن نفسك،، يشوفون نقاط الضعف فيك ويركزون عليها،، خاصة ان تخصصك تقنية معلومات،، لو شافوك مرتبك شوي بيحاولون يركزون على هالنقطه،، ويعطونك اسئله تربكك اكثر،،
لما تروح للمقابله اول شي تسويه،، خل مظهرك كويس،، تعطر،، لما تدخل سلم عليهم بمصافحة كانك تعرفهم من زمان،، ولكن لا تكثر هرج،، يعني ادخل سلم عليهم سلام يد اذا عرفوك في نفسهم قول والنعم،، وبعدها عرفهم بنفسك قول انا فلان بن فلان الفلاني،، واجلس على الكرسي اذا هم جلسو،، واسكت لين ما يسالونك،،
لما يسالونك جاوب بسرعه بدون اي تردد،، خلك صريح عشان لا تحط نفسك في متاهات،،
يسالونك عن مكانك بين اسرتك،، وكم عددهم .. وغيرها من الاسئلة الشخصية ما تحتاج تفكير،،
يسالونك بعدين في مجال تخصصك انت،، يعني وين تشوف نفسك بالبنك،، جاوب على نفس الوظيفه اللي انت مرشح لها،، لا تقول اشوف نفسي بنفس الوظيفه اللي مرشح لها،، مثلا تقول ( اشوف نفسي في الاقسام الخاصة بالمعلومات) يقول ليش.؟ عاد جاوب،، انت ابخص بتخصصك،،
وتراهم يركزون جداً جداً جداً بالثقة وبالاسئلة الخاصه في مجال تخصصك،،
بخصوص البرنامج المرشح له في قسم تقنية المعلومات،، بحكم خبرتي القليلة في البنك العربي في قسم تقنية المعلومات،، تقنية المعلومات يعني مثلا السيكروتي الخاص بمعلومات البنك او الاي تي ام،، يعني مشاكل السيرفر بطاقات صراف تتعطل تشغلها،، يوزر احد الموظفين ما يعمل ترجع تعدل عليه،، وهكذا،،
والله يوفقك ويسعدك اخوي،، بس لا تنسانا من الحلاوه
وبالتوفيق للجميع يارب