ياصاحبي هالشعر بس مسألة وقت
وأجفاااااة وأريِّح مساي وعيوني
على دروبه شوف ياااااما تفرَّقت
أحيان أحيا معه / وأحيان دوني
أحياء كلاسيكي بس بصمت ابرقت
لاهو طريقي لا .. ولا اللون لوني
نشااااز احياء معه ماأشوفني لقت
أرجع رومنسي ويتبختر جنوني
ومرة خيالي وأرسم الكون لارقت
واعيد تلوين الليالي بكوني
على فكر واعي رقيت وتسلَّقت
وعلى ثقافة شف مهرها جفوني
شف من قلوب الناس ياما تورَّقت
وياما تورَّق ذوقهم من طعوني
بكيت جرحي بس بالحال دقَّقت
جاب الغنايم جرح يومٍ بكوني
أغرقت صفحاتي بشعري وأغرقت
إعيون ناسٍ في شقاهم لقوني
أغفي بتنهيد الشوارع وإذا فقت
أقطف شقى هالناس وأبذر شجوني
لجروحهم ياما وياما تطرَّقت
وضجيجهم يهدأ بقمة سكووووني
ومن كثر ماانا في شقاهم تعمَّقت
عنهم شقاهم قال بس إزهلوني
من كثر ماغبت بهواجيسي أشرقت
ومن كثر ماحنِّيت مالت غصوني
هذا طريقي وأعرف إني تألَّقت
يسلم جنون الفكر تسلم متوني
شكراً جبيني أكلنا يوم عرَّقت
آسف ومن قبلك إلهي بعوني
حفظت ماء الوجه مايوم دنَّقت
لا مانطقت بيوم كلمة (ع ط و ن ي)
ياصاحبي هالشعر بس مسألة وقت
وآموت أنا ويعيش اكثر بدوني
