اقتباس: المشاركة الأصلية كتبت بواسطة ريح المطر حبيبتي خليك متفائلة وكلي امرك للي ماتنام عينه انتي من الردود بس وش تقولي عن الي صار معي .... واحكموو بأنفسكم اتصلت يوم الاحد 23/4 ع فرع الوزارة بمنطقة مكة المكرمة و مكتب التوظيف النسوي بجدة 026604000 تحويلة 142 قسم التوظيف لعدم وجود التخصص على الموقع رد علي الموظف .. امريني اختي يدوبـني تكلمت عن مشكلتي الا و يرن جرس تليفون ثابت .. لحظة اختي ثواني .. واستنى .. ويرجع يكلمني .. ونفس الحركة الاولى يدوب كلمتين ويرن الجوال ثواني اختي ويجلس يتكلم ...<<<هذا كلة وانا على الخط انتظر واسمع اش يتكلم فيه ... .. هلا ابو فلان وبعد السلام وش الاخبار واخبار مدري مين ... ترشيح ؟ تأمرني ابشر من عيوني بس خليها انت تسجل ع الموقع وجيب رقمها وانا اشوف لها ترشيح .هلا هلا مع السلامة . ويرجع اخونا في الله يكلمني واعيد حكايتي .اقولك اختي انا احولك على قسم النساء يتفاهمو معاك ويفهموك احسن .<<< وش تعليقكم ..عرفتوو وين ترووح وظائف الخدمة المدنية ؟ ..لسا ما انتهينا يجيكم الأمر منه حولني على موظفه بديت اعرض لها مشكلتي لعدم وجود تخصص علم المعلومات .. تقول انتوو مو كان قسم مكتبات ومعلومات قلت ايوا هوو..<< واقول في نفسي جابت مربط الفرس وحلت الحكاية من غير ما اضرب مشوار لجده ترد علية : خلاص حطي مكتبات ومعلومات .. .اشلون اختي الفاضلة انا خريجة علم معلومات والوثيقة مدوونه بهذا الشي .. عادي حطي ...كيف اختار كذا واشكالية المطابقة بعدين تردوون وراقي اذا حصل لي نصيب؟ ...خلاص راجعينا الفرع ... ما اقدر اجيكم انا في مكة وماعندي احد يوديني لجده ...لحظة طيب ..اسمعها تكلم وحده عندها وتقول لها عن مشكلتي واختنا في الله نفس الحوار الي دار بيني وبينها دار معها هي وزميلتها ...بزياادة كلمة (ياشيــخة )قولي لها تحط مكتبات ومعلومات هيه حكاية ...ترجع تكلمني ماتقدري تراجعينا ؟؟ والله ما اقدر لو اقدر جيت بنفسي وما اتصلت ينفع ارسل لكم فاكس ..<<<ماصدقت الموظفه يجيها مخرج وتتخلص مني ايوا ارسليها على هذا الفاكس 6604617 واحنا راح نرسلها لرياض ..مشكوره اختي وانهي المكالمة . محتارين ومحتاسين على حرف ( التاء المربوطة) << اقولها علم معلومات تقول لي حطي مكتبات ومعلومات .. تصرفني زي الي تقول محد موظفك برضووو ما انتهينا باقي الجزء الاخير من القصه اتصل من اليوم الثاني على نفس الرقم ابي اطمن اذا وصلهم الفاكس ..ونفس الموظف يعطيني تحولية اتصل عليها 717 ترد علية موظفةياعليها صوت عجوز مدري هي نايمة او لها الحين ماصحصحت واسئلها عن الفاكس والمشكلة الي فيه ...ترد دقايق اشوف ..تركتني ع الخط اكثر من خمس دقايق ...وارجع واتصل يترفع الخط ومحد يرد << على ذا الحال من الساعة10 الصباح لبعد الظهر لاحياة لمن تنادي فرع يبغى من يحطه فوق منخل يميز الصالح من الطالح عالم مافيها تتحرك ولا تخدم << وش يهمها دام راتبها اخر الشهر واصلها اللهم لاحسد بس اقلها قومو بواجبكم جلست من بعد هذي المكالمة يومين متحطمة فاقده الامل ..بعدها نشبت في اهلي دوروو لي واسطه من تحت الارض دام فيه عالم من ذا النوع مافي غير ذا الاسلوب داريه اني طولتها بس من القهر مافي احد بيحس بحالتي الا الي مثلي لاعدمتكم:o انتظر تعليقاتكم [/align] حسبي الله ونعم الوكيل لا واحنا لازم نراجع الفرع وبنت الواسطه ماتعبت حتى برفعة سماعه عالديوان خلو واسطتكم رب العباد وكثرو أستغفار
