السلام عليكم ورحمة الله وبركاته
ملاحظة هامه :
مسمى الوظيفة : مستشارة مبيعات التكافل التعاوني وليسا مستشارة مالية في التكافل التعاوني

اما بالنسبة للراتب فهو 1340 ريال لانهم يخصمون حق التأمينات الاجتماعية وهذا نسمية مكافئة
طبعاً + العمولة من 12 % الى 14.2 % على معدل الانتاج في السنة
يعني لو جبتي عميلة بشتراك شهري 500 ريال تضربيها في 12 شهر وترجعي تضربيها في النسبة وتطلع لك العمولة يعني مثلاً ( 500 *12= 6000 وترجعي تضربيها في النسبة زي كذا 6000*12%=720ريال)

وطبعاً اذا جبتي اكثر من عميلة بشتراكات متغيره يكون العمولة أكثر .
وأيضاً هناك شي يسموه تارقت يعني المطلوب الشهري عليك لازم تجيبيه بس اذا ما حققتيه الله يعينك على التهزياء وكثرة البربه من مدراءك وفيه بعد لازم تجيبي 8 طلبات في كل شهر والا يكون انتاجك ضعيف واحتمال يقولون لك مع السلامه انتي ما تصلحين يعني لازم تكوني شغاله 24 ساعه الدوام صح هو 8 ساعات بس هذا الرسمي وبعد الدوام مالهم دخل فيك اهم شي جيبي عملاء .

اتمنى منكم انكم تقيسوا امكانياتكم قبل كل شي الوظيفة صح فيها دخل مرتفع بس فيها اذلال مستمر للي ما يجيب المطلوب منه .
اسف لاني علمتكم بشي يمكن انه يضيق صدوركم ولكن هذي هي الحقيقة .
تمنياتي للجميع التوفيق .