الله يعطيك العافيه على هذه البادره الطيبه
فعلآ محتاج شيء يضم ذكريات الوالد
والله يقدرني على الوفاء له رحمه الله
ورحم الله كل من مات وحفظ لنا ولكم من بقي لنا
وهذي قصيده للشاعر عبدالله القرني في والده المتوفي
يا الله انت اللي حكمت وحكمك العدل الوكيد
تحكم بموت العباد كبـار والا فـي المهـاد
لا اعتراض لحكمك المكتوب تحكم ما تريـد
نحمدك في كل حال وشكرنـا لـك بزديـاد
مات تاج الراس ابوي الشهم له ماضي مجيد
كم من الميلات عدلها ولـو كانـت شـداد
الله اللـي زوده حكمـه ولـه راي سديـد
يفعل المعروف بين الناس علمه في سـداد
يا الله اكتب له بها خير الجزا يوم الوعيـد
يوم ما ينفع بنا آدم مـال أو حتـى عتـاد
يا الله اني طالبك وبكـل اسـم لـك فريـد
تستجيب لدعوتـي يـا الله يـارب العبـاد
ترحم الوالد وتجعل رتبتـه عنـدك شهيـد
وارحم اموات مضوا قبلـه قريبيـن وبعـاد
يا الله اجعل جنة الفردوس له واعطه مزيـد
يا عظيم ويا كريم ويا رحيـم ويـا جـواد
والصلاة اختم بها ابياتي علـى خيرالعبيـد
النبي المصطفى اللـي عـزه الله بالجهـاد