خذاه ( عودٍ ) كم خذا رووس شجعان!
اخـذه وعنـي غيبـه فـي نواحيـه
ذقت الزهد في غيبته ذقـت الأحـزان
وقلبي عطيبٍ صالـي الهـم كاويـه
اصبحت انـا ويـا المعانـاه خـلان
نمشي علـى درب المقاديـر نطويـه
نشكي بعضنا نكتـب الحـزن قيفـان
نبكي زمـان الويـل نشكـي بلاويـه
في وحدتي عانيت من جور الازمـان
اضحك واجامل واجحد الضيق واخفيه
حزني سكني صرت له ارض واوطان
وصدري بحر وهموم قلبـي موانيـه!
وجروح قلبي ناجت الذيـب سرحـان
يشكي عواها جوف صدر ومحانيـه!
ياليـل قلبـي تشتعـل فيـه نيـران
لامن خطـر بالبـال ذكـره وطاريـه
ذكر العضيد اللـي تحاشـاه عـدوان
عزي وتاجي كان قمت اعتـزي فيـه
ياليل تكفـا جـاوب القلـب وجعـان
ابنشدك ياليـل وشهـي مواريـه ؟!
اسمـع بصيتـه مالمحتـه بالأعيـان
وسـط المهـد راح وتركنـي اناديـه
اقـول يابابـا مـن اعمـاق ولسـان
عندي امل يرجع واشوفـه والاقيـه !
لكن عزاي انـه كمـا حـر شيهـان
ذكـره فخرنـا عزنـا فـي مماشيـه
عسـى منازيلـه بـروحٍ وريـحـان
عند الولي من صالـي النـار ينجيـه
غير معروف قايلها 