اقتباس:
المشاركة الأصلية كتبت بواسطة كنت احبك
السلام عليكم ورحمته الله وركاته
قصتي بمدينه التدريب بمنتطقه الشرقيه
اولاً اذا تبي امورك تمشي اسمع كلامي وسوي مثلي وان شاء الله مقبول
جيت الشرقيه السبت العشاء وكان موعدي يوم الاحد اللي هو امس وبعد ما صليت الفجر رحت لهم في مدينه التدريب اللي بحي الفيصليه المهم جيت هناك الساعه 5.49 الفجر وقعدت عند البوابه لين الساعه 7 ونص على ما بال يدخلون الافراد اللي عندهم دوره ويدربون بالساعه اللي بمدينه التدريب بس والله اللي عندهم الدوره اللحين واللي هم باقي لهم كم سبوع ويتخرجون حسب ماقال لي واحد منهم المهم الساعه 7ونص قامو ينادون بالاسماء اللي يسمع اسمه يطلع بطاقه الاحوال على شان يشوفها الضابط اللي على البوابه المهم بعد ما ينادون اسمك وتدخل جوء تروح مكان اللجنه وهم اكثرهم شباب ويقدرون الواحد خاصه اذا كنت ولد قبيله <اظن فهمتو قصدي يعني لو واحد من نفس قبيتك راح يخلص امورك بسرعه بعد ما تدخل على اللجنه تجلسون دخل صاله زي اختبار الثانويه العامه كراسي ويعطونك ورقه فيه بيانات تعبيها اللي هي الاسم والسجل المدني والمواهل والنسبه الخ بسيطه المهم بعد ما تعبي الورقه يجيك واحد من الافراد وياخذون ملفك يجمعونها وانت جالس بعد كذا عاد قدامك للجنه شاعر المليون ههههههههههه اللي هم الافراد والله يشبهون اللجنه شاعر المليون المهم بعد ما يجمعونها ينادون بالاسماء وتجي تعطيه صوره ويدبسها بالاستماره الثانيه اللي ي حقه تدقيق البيانات حقه الشهاده الثانويه والسباحه والغوص وبعدها عاد يعطونك رقم على شان تدخل على الطول والوزن والمقابله الشخصيه عاد جاء دوري ونادو برقمي ودخلت والله ياشباب انهم متساهلين الى اخر حد اللي يقول انا دب لا تخاف روح انا دب ومشيت ههههه عاد تجي تقيس الطول والوزن اذا مشت يمشون ملافك عند حق التتدقيق الشهاده ينادي اسمك وتجي تعطيه بطاقه الاحوال ويقولك اجلس هناك للمقابله الشخصيه وتجلس لين ينادي الضابط اسمك وتجي عنده اول ما تجي سلم عليه مصافح انا سلمت عليه مصافح وابتسمت وربي يوم سلمت عليه مصافح قام وقف وهو ثلاث نجمات لو بالامن العام وربي زين ان مد يده المهم قال لي احمد عطني بطاقه الاحول قلت له سم بصوت عالي قال وش تحفظ من القران وقريت له ايه الكرسي وربي ما بديت بها الا قال راجع الموقع يعطونك موعد السبت الجاي والله يوفقك سلمت عليه مصافح مره ثانيه ورحت ادري اني اخذتها حلا السلام بس اول ما تجي ابتسم وخلك عادي كن اللي قدامك واحد من اخوياك ومشيت ورجعت الموقع وعطوني موعد السبت 21 /5 لياقه وسباحه وغوص
الامور اللي تجيبها معك ومهمه اذا تبي امورك تمشي على طول
جب شهاده الثانويه وصوره لها
صوره بطاقه الاحوال والاصل
صوره من اختبار القدرات
صوره من كرت العائله ادري انه مو مكتوب بالموقع بس متكوب باللجنه
صوره من الدوره اللي هي مسجلها انت سباحه وغوص او غيرها
نموذج الكشف الطبي اللي عبيته من اي مستشفى
صور مكشوف الراس واكتب عليها اسمك وره كل صوره ورقم الطلب
الحضور بازي الرياضي
جيب معك قلم لانه تعبي بيانات دخل اللجنه وقاروره مويه هههه لانه حر وزحمه
بعد ما يقلون لك راجع الموقع تجي موضوعي وتدخل على الرابط هذا وتستعلم عن نتيجتك
http://jobs.998.gov.sa//Iframe/inquiryonorder.aspx
اذا طلع لك مثلي فهم مشوك في مرحله الطول والوزن والمقابله الشخصيه
اذا انت مقبول يطلع لك زي كذا
تهنئك المديرية العامة للدفاع المدني علي نجاحك في مرحلة المقابلة الشخصية اللجنه المطلوب مراجعتها
لجنه منطقه المنطقة الشرقية
موعد اللياقة البدنية يوم السبت الموافق 1430-5-21الساعه السادسه و النصف صباحا
وتشوف الموعد وتجيهم
والله يوفقكم ادعولي بالقبول النهائي تكفون واي استفسار انا جاهز
|
كفيت ووفيت يا طويل العمر
وأن شاء الله نشوف اسمك ضمن المقبولين النهائيين
بالتوفيق للجميع
لا تنسوني من دعواتكم ترى موعدي يوم الاربعاء
الله الله في الدعوه في ظهر الغيب
ولا زلنا ننتظر الشباب الذين دخلو اليوم الاثنين ايش صار معهم
تمنياتي لكم التوفيق جميعا