ياهلا ويا غلا يسعد مساكم بالهنا موضوعنا اليوم ملطوش وبيكون محور سهرتنا<<< أكيد غالبيتكم سمع بقصة " نهـــــر الجنون " هالقصة باختصار تدور حول نهر .. هالنهر صار كل من يشرب منه يصاب بالجنون !! وكانوا يجتمعون هاللي شربوا من هالنهر مع بعض ويحكون بلغة غير مفهومة للعقلاء ! الملك حاول يكافح هالطاعون ! بس بيوم من الأيام .. صحى الملك لقى الملكة اللي هي زوجتك يالملك انهبلت !! وهالزوجة بالمقابل تشوف إن رجلها هو المهبول ومغير تحش فيه مع أصحابها المجانين نادى الملك الوزير حقه .. قاله زوجتي انجنت !! وين كان الحراس عنها ؟ قاله الوزير ... الحراس بعد انجنوا قال طيب جيب الدكتور !! قال الدكتور انهبل بعد !! قال يااربييييه <= واضح أنك نصابه .. أجل الملك قال ياربييييه وش ذا ؟!!! من بقى ما انهبل بعد !! قال الوزير مافيه إلا أنا وأنت بس .. قال الملك أجل أحكم مجانين أنا !! قاله الوزير وأنت الصادق .. المجانين يعتبرون نفسهم عاقلين وإن مجنون يحكمهم الملك عصب .. وقال وش هالحتسي !! هم اللي شربوا من موية النهر وهم اللي انجنوا .. قال الوزير : هم يقولون إنهم شربوا من النهر عشان يتجنبون الجنون وإننا احنا المجانين عشانا ما شربنا !! قال الملك أجل يا وزير أغدق علي بكأسٍ من نهر الجنون ( هات لي كأس بس) الجنون إنك تبقى عاقل في دنيا المجانين !!! / , انتهت القصة هي للكاتب توفيق الحكيم .. وكتبتها بتصرف .. باللغه العاميه هالقصة بنستنبط منها محاورنا لليوم ممكن نشوفها من كذا زاوية .. ونفكر فيها من كذا جانب !! ** المحــــــاور : * لو أحد خيركم .. هل تختارون تكونون مجانين مع الناس أو عاقلين لحالكم ؟!ولو كنتوا مكان الملك وش بتسوون ؟! * هل أنت من اللي يتمسكون بقناعاتهم حتى لو كنت لوحدك ومختلف عن البقية وإلا ممكن تتغير قناعاتك حسب الناس ومع الخيل يا شقرا ؟ * هل دائماً الإجماع والكثرة تدل على صحة الرأي ؟ انطلقوا * لحد يستحي .. شاركنا رأيك , تفاعل مع المطروح .. مو تقول أخاف محد يجوز له حكيي .. بالعكس الكل هنا مرّحب فيه .. وبعد<<ترى حدنا للساعه 2 بكره ورانا صلاة جمعه وقومه من بدري وبخور وحركات في اخر السهره لاننسى كفارة المجلس وبعد لاتنسون انكم تحطون رايكم وبس<<<ولازم نحترم وجهة نظر بعض ونتناقش بس بهدوء هيا بنا انطلقوا
* لحد يستحي ..