بسم الله الرحمن الرحيم السلام عليكم ورحمة الله وبركاته اخواني الكرام اعضاء المنتدى والمشرفين والقائمين على هذا المنتدى الرائع اتمنى ان تكونو في تمام الصحه والعافيه اليوم صارلي موقف وحبيت اشارككم فيه لانو صراحه ادمع عيني وهذه الرساله موجهه بالاخص الي كل سعودي يسمي نفسه عاطلّ! شباب اتمنى منكم قراءة القصه بتمعن وفهم المغزى منها ( اليوم بعد صلاة الظهر جايب اخواني من المدرسه وكل العاده جاتني الرساله اليوميه من الوالده عسى الله يحفضها رساله "طلبات من البقاله" اش اسوي لا زم اجيبها ولا ما في غدا المهم وقفت عند سوبر ماركت قريب من البيت ونزلت من السياره ودخلت السوبر واخذت سله صغيره عشان الاغراض وانا ماشي لمحت لي واحد شباب عمره لايتجاوز ال 21 سنه يطالع فيا ما اخذت في بالي بس مدري ليش لفت انتباهي المهم مشيت عنه ودخلت ومن سيب لسيب الم الاغراض واحسب في دماغي كم وصل الحساب المهم خلصت ورحت للكاشير عشان احاسب طبعا مطلع بطاقة الصراف مسوي كاش والبطاقه خلاص على حافة التفليس شوي تفاجءت يوم لقيت نفس الشاب الي طالع فيني اول موجود في نفس المكان اسغربت قلت في بالي شكله هذا راعي مشاكل ومعاه مشكله معى الكاشير المهم كان في واحد قدامي يوم خلص بديت انزل اغراضي وفجاه يا اخواني كنه واحد صفقني كف على وجهي كان في واحد قاعد يدخل اغراضي في الاكياس عارفين من ذا الشخص ؟؟؟؟؟؟ هذا هو الشاب الي كان يطالع فيني يوم دخلت شاب لا بس ثوب وشماغ وعقال سعووووووووودي ولد قباااااااايل يا اخوان اقسم بالله وجهى راحى وصرت اساعده في تحميل الاغراض ويوم خلص شال الاكياس وسالني وهو يبتسم "وين السياره طال عمرك"قلت له هات الله يعطيك العافيه ما قصرت قال والله ما يوصلها غيري انا اخذ راتب عشان كذا ! المهم ضاع مني الكلام ومشيت وراه لين وصلنا السياره نزل الاغراض وقالي اي خدمه ثانيه قلت له سلامتك ومشى نادينه وقلت له ما تشرفت باسمك قالي اسمه ولاحظ تعبير وجهي وقالي ادري انك مستغرب صح ؟ قلت له اي والله مني مصدق الي اشوفه قلت معقوله ضاق فيك الحال لهذه الدرجه " يا اخوان الوضيفه هاذي انك تمسح الارضيه وتعبي الاغراض في اكياس تراها احقر وضيفه يعني وضيفه للي ماله فايده !!!" قالي وش اسوي ياخي يعني اخلي امي تجوع عشان استحي من الشغل ؟؟؟ قلت لا والله صدقت بس معقوله مالقيت اي وضيفه !!! قالي لا والله انا خريج الثانويه السنه الي راحت ولا عندي سياره ولا لقيت اي شغل والحمد لله ربي فرجها على ولقيت وضيفه مثل منت شايف . قلت له ممكن تقولي كم راتبك قالي 900 ريال . والدوام 10 ساعات يوميا حتى الجمعه يا اخوان عرضت عليه وضيفة سواق ب 2000 ريال قالي اسف والله انا يوم قدمت على الوضيفه هذي صاحب السوبر ضحك وقالي اتحداك تكمل شهر هنا!!! وانا قلت له انا قدها ورح اكمل معك شهور مو شهر واحد بس وبيتي يبعد اقل من واحد كيلو من هنا يعني مرتاح اقدر اروح البيت واجي مشي سالته كم عمرك قالي 20 سنه !!!! اقسم بالله يا اخوان سلمت على راسه قدام الناس وانا اكبر منه ب 4 سنوات وقلت له روح الله يسير امرك ومشيت ) يا اخوان اقسم بالله الادمي هذا اعطاني درس في الحياه يا اخوان فهمتو الي ابغى اوصله لكم ؟؟ هذا الشاب قبل بوضيفة اقل من مستواه التعليمي عشان يكفي نفسو واهلو الناس ومقتنع بالوضيفه ويقول يالله لك الحمد. هذا الشاب كان اسمه " عاطل" ولاكن هو غير الاسم هذا بنفسه انا الان ابغى اسال كل عاطل يقرا هذا الموضوع ويوقولي بكل صراحه هل يقدر يقبل بهذه الوضيف؟؟؟ هل تقبل ان تكون تحت امر " بنقالي" ؟؟؟ هل ترضى ان تخبر اصحابك انك عامل نضافه في بقاله ؟؟؟؟ هل ترضي انك تمشي كل يوم 2 كيلو مشي رايح جاي على رجولك عشان راتب 900 ريال؟؟؟؟ ام تفضل ان تكون " عاطل"؟؟؟؟؟\ اخواني حبيت اشاركم الموقف الذي ادمع عيني واتمنى كلنا ناخذ درس وعبره من وانا اولكم لانو هذا الشخص فهمني كيف الواحد يبني حياتو طوبه طوبه !!! ارجو من الجميع الرد وارجو من الجميع تقيييم الموضوع وابداء الراي بكل صراحه وبدون مجاملات للعلم هذا الشخص سعوووووووودي ويعمل في جده في حي النسيييييييم وارجو من الاداره التثبيت في قسم وضائف الغربيه لاجل ان يقرئها كل شخص يبحث عن وضيفه في جده وكل شخص لم تعجبه وضيفه كانت متاحه بين يديه وشكراااا