اقتباس: المشاركة الأصلية كتبت بواسطة راعية الابل السلام عليكم ورحمة الله وبركاته ثِيَاب الحُــبْ للشَّاعِرْ / محمدْ العَبدْالعَزِيزْ العبِيدْ الله يازين لا تمشي على غير ودك للنفس غاياتٍ وللقلب مقصود خاطرك طايب وش علينا يحدك تراك ماتجني ولا نجني الفـود كانك لقيت اللي بدالي يسدك الله معك مالي على رجلك اقيود القلب مايرضى كما انه يودك لك بالمهونه يابعد كل ماجـود أنا ادري العذال عني يلدك لــده وليًّ عالي العرش معبـود مديت قلبك له ومضمون سدك وارخصت قلبٍ يحفظ الـود بعهود رح بالطريق اللي بغيته واعدّك ماكنت لو قلبي من البعد ملهود عسى الولي باللي تريده يمدك ونا يعوِّضني عن النقص بالزود عما تبي نفسك ترى ما نردك متى عن اللي تشتهي صرت مردود لا صار حبي والوفاء ما يشـدك بالك تعد الحب طارد ومطرود لازم ثياب الحب قدي وقـدك حتى يجي درب الهوى غير مسدود والاّ عسى دربٍ تريده مـردك للنفس غاياتٍ وللقلب مقصـود ارجو تنال اعجابكم .. : tsfiq: الراعيه انتي لستي راعية الذوق بل ملكة الذوق على هذه القصيده التي هي من اروع القصائد التي قرأت اعجبتني هذه القصيده جدا جدا لمعاني كلماتها وجمال نظمها سلمتي ودمتي على طرحك المتميز وابداعك بروعة الاختيار الدائم