بسم الله الرحمن الرحيم
السلام عليكم ورحمة الله وبركاته
أنشودة رائعة وحزينة
تحكي قصة أب مدمن أهمل ابنائه وبناته
وانجرف خلف الدنيا والمخدرات
وبعد ماسجن وقبل تنفيذ الحكم بيومين
توفى تارك وصية يطلب من أولاده تسديد دينه
V
v
مسكين وعمره واصلٍ فوق خمسين
ضاعو عياله من سبايب زقاره
لف الحشيش وضيع العقل والدين
رغم المذلة مادرى باحتقاره
الفكر ساذج والسبب طيش مسكين
جاه انهيار وماحسب للخساره
عود له الله ضيعوه الشياطين
يطرد ورى الانذال في كل حاره
جوه القرايب ونصحوه العزيزين
والدم فاسد مارضى بانهدارة
خانه ضميره يوم شاف الملايين
والقلب ضيع بالاماني قراره
واليوم ينثر عبرة اهل المساجين
وفزو عياله يحترون الزيااره
عزاه يادمع تهله مساكين
صارو يتامى من سبايب تجاره
الطفل يبكي دمعته تقهر العين
يشكي على امه من معايير جاره
وصارن بناته يشحذن الفساتين
وش ذنبهن وثيابهن مستعاره
شاف القهر والضيم والهم والبين
من كثر هم القلب يقدح شراره
مرة عليه اايام وشهور وسنين
وصكت به الدنيا وذاق المراره
ويبسن عروقه قبل حكمه بيومين
جته المنايا قبل صك الاماره
وكاتب وصية سددو عني الدين
وخلو السكارا يتركون الدشاره
مال الدشارة غير طبع الرديين
وهذي نهاية من يضيع مساره