مساء الخير
اولا .. المسلم ما يقنط من رحمة ربه وانت اكيد عارف هالشي لكن بس نذكرك مو اكثر
ومثل ما يقال اشتدي يا ازمة تنفرجي
ومابعد الظلام الا الفجر واحسن ظنك بالله دائما وتمسك برجاه والله عند حسن ظن عبده دائما
ثانيا..استغرب انا من نقطة الخبرة اللي رفضوا مشروعك بسببها !!
الا اذا كنت فهمت غلط
المهم انا اتوقع ان قصدهم بالخبرة مثلا كخبرة ادارية يعني يكون عندك شهادات او دورات غير الثانوية تبين انك مثلا قادر ع النجاح كاداري وماشابه لاني ما اتوقع انهم يقصدوا خبرة مهنية واشوف كثير ناس قبلوا مشاريعهم من غير شرط الخبرة المهنيةع حسب كلامهم
ع العموم انت ماتدري لو انه هالرفض خيره عشان تعيد التفكير مرة والف
وغير مشروعك يا طيب
وقدم مرة ثانية وثالثة مثل الاخوة هنا
وشف لك مشروع ما يحتاج نقطة الخبرة هذي
مثل محل جوالات او خدمات كمبيوتر او مغسلة سيارات او ماشابه وياكثر ما بيتحصل بالنت دراسات جدوى لمثل المشاريع واكيد بتحصل ان شاء الله شي يرضي ميولك
الانسان لابد له انه يتكيف مع الظروف اللي من حوله ويحاول يتاقلم قد ما يقدر
والاهم الصبر ثم الصبر ثم الصبر وعدم الياس
واللي مو قادر يصبر يحاول يتصبر يضغط ع روحه قد ما يقدر
والحمدلله انا اشوف ان صندوق المئوية فرصة طيبة لكن يبي له طولة بال لانه قرض حسن ومن غير فوائد واذا عندكم كفيل فمثل ما ذكروا الاخوان تقدم لعبد اللطيف يمكن يكون الوضع معهم افضل
الله يوفقك ويسخرلك اما من ناحية الوالد فتاكد ان الوالد مهما قسى فصدقني من ورا قلبه يقال انه بيضغط عليك عشان مصلحتك مو اكثر
وانت حاول تكسب رضاه عشان ربي يسخرلك
ما تضرك كلمة ان شاءالله وابشر وادعي لي يابوي ومن هالكلام الحلو وصدقني بتكسبه ان شاءالله
ترضى من غير رضى الوالدين الحال ما بيمشي
انا اقولك هالكلام وانا ام ومع هذا ما انام الليل لو حسيت ان الوالدة او الوالد متضايقيين من شي ومالي غنى عن دعواتهم مهما كان
الله يشرح صدرك ويصلح ما بينك وبين والدك ويرزقك من واسع