وعليكم السلام

الورق والكراتين موقعهم :

الرياض - حي السلي - بالمنطقة المقابلة للطوارئ - لو تتصل على 905 تسئلة عن رقم شركة تدوير الورق في الرياض حي السلي راح يعطيك الأرقام



نصيحتي لك


الحديد الخرده ما انصحك تشتغل فية لأن الحديد نزل سعرة والأن في التشاليح

الحديد درجة اولى سعر الطن ما يتجاوز 600 ريال

الورق والكراتين اشتغلت فيها يبي لك مساحة كبيرة ووقت اكثر على ما تكمل لك طن وهم يشترون بالكيلو ما عندهم مشاكل .

خذ العلم من هنا :

بالنسبة للبطاريات شغلتها حلوة واهم شي تتجنب البطاريات الصغيرة حقت الكورلا والأكسنت والسيارات الصغيرة وشد حيلك في بطاريات الجموس والتريلات فيها ذهب .

وعندك اذا تبي تجمع خرده

عندك النحاس والألمنيوم

بالنسبة للنحاس : التلفزيونات القديمة والمسجلات والطابعات والدينموات والمولدات طبعا التالفة فيها نحاس طيب وعندك الكيابل وبيعة النحاس كنز

اذا شريت التلفزيونات ولا اي شي تبي تاخذ منة نحاس خذ فاتورة لأنهم يمكن يسألونك عن مصدر النحاس بتقول من اجهزة اكترونية كانت عندي لأنه ابو بنقل يسرقون كيابل ويبيعون علشان لا تتعرض للمسائلة وان تعرضت الا ومعك فواتير حتى لما تبيع اطلب فاتورة مبايعة وجمع الفواتير عندك

بالنسبة للألمنيوم شغلة حلو وما يفرق كثير عن النحاس ونفس الطريقة خذ لك فواتير عندك الرديترات والشينكو تحصل في اماكن الاحام قطع مرمية خذها لو تجمع لك صندوق جمس من القطع الصغيرة تجيب لك مبلغ حلووووو


نحاس والمنيوم وغيرة لا تدور


اااسف على الاطالة

واتمنى لك التوفيق