فيه مؤامرة ضدنا عشان نحتد للشغل هذا ؟

صحيح الشغله هذي مو عيب ولا حرام ، ولا أتجرأ وأقول إنها عيب
الشغل اللي يدر عليك رزق وحلال مهب عيب

بس أدرس واكرف بالليل وبالنهار ويسفل فيني مدرس اجنبي وأنا معاي الحق وساكت وبالآخر آخذ شهادة عشان أشتغل بمطعم ؟
هذي المكافأة ؟ حفل تخرج ماسويتوا ، وفقك الله ماقلتوها لنا
ماغير استلمت الشهادة من شؤون الطلاب وتوقيع وتوكل على الله ،، زين ماقالولي فيه اختبار حصول على شهادة!!
والله اني مستانس قلت وين المدرسين وين التبريكات والتهاني
وش هالمهزله ؟ وش هالعشوائية ؟ وش هالتخلف ؟ وش هالمرض وش هالمرضا ؟
بلا سعودة بلا خربطة ،،،
يعني يا إني أطلع بعثه ، والا أشتغل بمطعم ؟
كذا الانفتاح ؟ وكذا الكفاح ؟!
عودتونا
والحين تقولون كافح