|
مــوضــوع صريح هل نحن مبذرين ام لا ..
السلام عليكم ورحمة الله وبركاته .. 
مرت من المرات وانا مع واحد صاحبي المهم سولفنا عن موضوع المصروف الشهري لكل واحد من فعندما فصلناها وجدنا انا نصرف بالهبل واننا لو اقتصدنا سيكون المدخول الشهري اقوى بكثير ...
اذاً نحن مبذرين ومسرفين ..
في هذا الموضوع ياريت كل واحد يقول كم مصروفه الشهري وعلى اي اساس تصرف هذا المدخول وكيف حطيت ميزانيتك الشهررية... بكــــــــــــل شفافيـــة ووضــووح .. طبعاً بما أن تخصصي محاسبة .. حددت مخصصات شهرية لكل مصروف من مصروفات تحت بند اسمه مخصص المصروفات الشهرية والي يزيد منها يكون فائض  هذا إذا كان فيه فائض وفي حالة العجز إحتاجي لمبلغ معين معناته عندي عجز وللأسف ياكثرها يعني ليه مانقدر نحط مخصصات محددة ونمشي عليها بالظبط  يعني في أمريكا والدول المتقدمه نظامهم كذا واعقد صح ان رواتبهم اقوى ولكن يمشون على خطط محددة انتم مارئيكم بها الطريقة .. يعني سمعت ان الشعب الامريكي لو بغى يشتري جهاز ب 200 ريال اشتراه بالتقسيط والسبب يرجع لانه لايريد اخلال بالميزانية الشهرية ..
انا بقولكم مخصصاتي وكل واحد يقرء الموضوع يعطيني رايه بخصوص هل المخصصاات ويعطيني مخصصاته وصرفيته الشهريه تقريباً .. ابي اشوف هل انا مبذر ام العكس ..
1- مخصص مصروف البتروول : 400 ريال شهرياً .
2- مخصص مصروف الزيت حق السيارة : 100 ريال شهرياً .
3- مخصص مصروف الجوال : فاتورتك قسمها على 2 وبكذا تطلع مصروفك الشهري بالنسبه لي محدد شهرياً 150 ريال .
4- مخصص مصروف المطاعم : 200 ريال شهرياً ومع العلم مو كل ايام الشهر اتعشى في مطعم بس ايام الاربعاء والخميس والجمعه .. والباقي في البيت .
5- مخصص مصروف غسيل السيارة : 50 ريال شهرياً .
6- مخصص مصروفات نثرية ( غير محددة ) : 100 ريال .
مصروفي الشهري تقريباً 1.000 ريال (( أحسها كثيره وانا عزوبي وعايش مع الأهل )) .. أجل وشلون لين تزوجت وجاني عيال والله اني ببلش فيهم .. 
أرجو التفاعل في الموضوع وشكــــــــــــــــراً ..
أخوكم / سند
.
التعديل الأخير تم بواسطة سند آل حمود ; 01-06-2007 الساعة 03:39 PM
|