السلام عليكم \\

اليوم والحمد لله رحنا لمستشفى قوى الأمن بالشرقية لعمل الفحص الطبي

دخلونا للعياده الساعه 8:30 تقريبا ً وكان الناس مش كثيرين مررة لكن الجو حر فأكلناها ههههههع

وبعدها بدأوا يدخلون مجموعه مجموعه :

أول مجموعه هي علشان يقيسون النبض فقط ً

والمجموعة الثانية علشان يشيكون ع الطول والوزن , العين , والفحص للعين هي ضعف النظر اذا فيك او لا وثانيا ً عمى الألوان

وبعدها تدخل على الدكتور تبع الباطنية هذا شغلته يقول لك تنفس وبس هههههههع

وبعدها على الدكتور الغثة إلي الله لايوفقه لا دنيا ولا أخرة اذا كان ظالمني يااارب <- علشان ما اصير انا إلي ظالمة

تدخل عليه ويفحص جسمك اذا فيه عمليات او لا وبعدها يقول لك " تفصخ هافك " ويشيك ع أحم

بعدها نفس الدكتور يقول لك افتح فمك علشان يشيك على الاسنان , وهنا كانت مصيبتي عندي ضرس مكسور قال ركب ضرس وتعال اختم لك

وبدأت قصة معانتي وانا ادور على واسطه من قطاع لقطاع من البحث للاستخبارات للدفاع بس ماكوا فايده

ماعندهم يد بالشرقية ابد ولا كان مشوني

ع كل حال انا بأروح اشوف اذا في مجال اركب ضرس واروح له ان شاء الله يمشيني

مع اني سليم بكل حاجة


حبيت احط لكم الموضوع علشان اخواني إلي راح يروحون للفحص بالأيام الجاية يتفادون هالأشياء

وأهم شي جيبوا معاكم صورتين شخصية تراهم يطلبونها سلاام