العزي الف مبروك ومشكور على ردك.. والكبير كبير..

مقروده الف مشكوره على الرد..

وعلى طاري اش الي سار معاي بقلكم بالتفصيل

المهم انا قلت دقو علي يوم الاثنين والصحيح انهم دقو علي يوم الاربعاء بس خطاء مطبعي

وقالو لي عندك مقابله يوم السبت الساعه 10.5 صباح في المبنا الرئيسي في شارع الضباب

المهم رحت اليوم على الموعد وقابلت الموظف المسؤل عن اجراء المقابله الشخصيه

واسمه نور الغدير..

المهم انسان محترم بمعنا الكلمه..

اول مادخلت عنده سلمت وجلست.. لأن الوالد قالي نصيحه..

يقول: شوف يا ابني.. خلك على طبيعتك.. ولا تتكلف ولا تتصنع..

ولا تستحي من شي.. قول كل الي عندك.. واذا اعجبهم كلامك خير وبركه

وان ما اعجبهم منت خسران شي..

وفعلاً قعدت وسولف شوي معاه .. المهم قالي تكلم لي عن نفسك..

عاد قلتله اسمي ومكان اقامتي واني خريج كلية الاتصالات المعدل وتكلمت شوي عن نفسي

المهم سألني قالي متى تخرجت.. قلتله في شهر 8 عام 2005...

قالي واش كنت تسوي كل هالفتره.. قلت كنت شغال مع الوالد اعمال حره..

المهم قالي كيفك مع الانقليزي..

قلت يعني.. مش ولا بد.. افهم بس ما اعرف اتكلم زين..

طبعاً هنا المفروض منكم كلكم تحضرون لهالنقطه..

قالي طيب قول اي شي بالانقليزي.. انا وقتها بلمت شوي..

طالعت فيه قلت اش اقول.. انت حدد..

قال لا انت تكلم عن اي شي الا نفسك<<لانه يعرف ان اغلبنا حافضله كم كلمه عن نفسه

قلت اقلك.. انت عطني شي وانا اتكلم فيه..

قالي يالله قولي اش سويت امس..

قلتله قمت من النوم ورحت لبودل<< طبعاً كل الكلام بالانقليزي

قالي واش بودل.. جاوبت بالعربي شقق مفروشه

قالي كمل..

قلت..عشان ازور صديقي.. بعدين رحنا شارع التحليه..قعدنا في كافي..

بعدين رحنا الملعب.. وبس

سراحه انا في الانقليزي ماش.. بس هو يبغا يشوف تقديرك بس..


المهم قالي طيب شوف.. نظام العمل هنا خدمة عملاء.. تساعدهم في تعبية الاوراق وتشرحلهم

تعلمهم وين يروحون عند اي موظف.. وامور زي كذا..

وراح تكون غير رسمي لمدة تتراوح بين الـ4 شهور والسنه..

وبعدها ان كان تقديرك ممتاز راح تتثبت وتكون احد موظفين هذا البنك..

وراح يكون راتبك خلال هذه الفتره 3275 ريال شامله التأمينات والتأمين الصحي

قالي: موافق على هالكلام..

قلت..: ما يحتاج موافق ميه في الميه

قالي اجل خلاص..

انتظر اليوم اتصال.. اذا ما جاك اتصالا يعني حظ اوفر.. ما نحب نغلق الناس معنا

قلت يعني اذا ما جاني اتصال ادور بنك ثاني..

ضحك... وقال ان شاء الله خير..

قالي عندك استفسار شي قبل ما تروح..

قلت لا ابد ما قصرت..

وجيت ماشي وقلت فرصه سعيده.. اني قابلتك.. ولو ما اطلع الا بخوتك..

قالي تسلم..

وظربت الباب


طلعت الساعه 11 الظهر من البنك..

قبل المغرب بحوالي نص ساعه جاني اتصال وقالي مبروك انت احد الي تم قبولهم..

وراح يبدأ دوامك بكره ان شاء الله..

قلت بالسرعه ذي..

قال: ليش مالك نفس..

قلت لا سراحه اول مره اقدم على مكان ويقبلوني..

قالي المهم لا تتأخر بكره.. الساعه 8 تكون موجود عشان نشرحلك طبيعة العمل..



والف مبروك لي وعقبالكم كلكم ان شاء الله..


واي استفسار قولولي وانا اسئله وارد عليكم..

والي فيه الخير يقدمه الله لنا ولكم..





تحياتي الحاره لكم جميعاً..



مريسل