وعليكم السلام

أخي الاسطورة نشكرك على دعوتك الجميله والله يعطيك العافيه على الموضوع

ومشاء الله بلوغ المرام كفت ووفت بالنسبه لعادات أهل الحجاز وفعلاً الشوفه الشرعيه لازم للطرفين

وطبعاً لاننسى أهم شيء وهو المجس وهو إنشادالجسيس بكلمات مدح للعريس والعروس

والمهور في منطقة الحجاز بسيطه حتى بين القبائل وهي حدود25و30الف ريال

والعربية غير إجباريه للعريس لكن أهل العريس يحبووا يبيضوا بوجهم ويحضروا العربية وهذي العادة


وأقولك على زيجة أمي كانت عمرها 12 سنه وتلعب ,,,وفجاءة أمها والنساء علقوا ستارة لونها

وردي ومقصبه بالذهبي اذا حطوها بزاويه بالغرفة يعني وحدة حتجوز قالت أمي لستي مين بيتزوج !

على بالها إنها صغيرة ومافي أحد عندهم ممكن يتزوج !قالتلها ستي أنا وصدقت أنه أمها بتتزوج

حتى لاتخاف أوترفض وبعدين يتجمعه الاهل ويصيدوها ويدخله تحت الستارة وتعرف انها هيا الضحيه هههههههههههه

صدق كانها ضحيه والدليل طريقة زمان رعب ومسأة وفي القبيله إذا كان العريس من غير هذي

القبيله ممكن ليلة العرس يوقفوا هذي الزيجه ويبدلوا العريس الاجنبي عن العيله بولدعمّ العروسه

وصارت هذه القصةلإثنين من الاقارب!! وقت الزفة تلقى هم هم العيلة مافي العريس الي عشانه

حاضرين المعازيم ويتغير ويجي مكانه ابن العم مدري في كان من الاول هذا عريس الغفلة المهم

العروسة ماتطلع بره العيله وعجبي!!!والحمدلله من زمان بطلوا أفعال الجاهليه هذي

لانها أصلاً مايجوز خطبت الاخ على خطيبت أخيه...ودمتم بخيــــــــــــــر