الله يسلمكم والجوال خلاص قفلته والله يعوضني على الاماكن اللي قدمت عليها

بعضكم يقول اي رقم ما تعرفينه لا تردين عليه
واذا قلت لكم أنه معضم الشركات اللي قدمت عليها ما يدقون الا على رقم الجوال
ولا عمرهم كلموني على الثابت
وقليل منهم يرسل على الايميل

وبعضكم يقول حطي رقم اخوانك
بقول لكم لو اعتمدت على اخواني وبكل صراحه عز الله ما توظفت
بس خلوها على الله

وبالنسبه للي يزعجني لو واحد يمكن اقول عادي واقدر اسفهه

لكن اللي تجيني ارقام كثيررره بعضهم يدقون واذا ما رديت عليهم يوقفون وبعضهم لا والله يدقون ويرسلون رسائل
والله مره واحد قال لأخوي لما سأله من وين جبت رقمها قال من شقق مفروشه
والله انهبلت لما قالها والمشكله اخوي طلع بارد وقال له طيب لا تدق عليها ثاني وسكت
ماراح وهاوشه او على الأقل وقفه عند حده لدرجه اني وقتها تهاوشت مع اخوي ومديت يدي عليه من القهر
المشكله بعد كلام اخوي معه بس أسبوع ويرجع ويدق علي ثاني لين ألغيت رقمي الأول
وطلعت هالرقم
على العموم انا ارسلت الأرقام لوحده من الأخوات طلبتها مني جزاها الله خير وهي أن شاء الله راح تجيب لي معلومات عنهم اذا كانت هالجوالات بأسمائهم

والله لا يسامح هاللي يزعجني ويحاول يأذيني سواء شخص يعرفني أو من الاشخاص اللي استغلو حاجتنا للوظائف وأطلعو على بياناتنا من السير الذاتيه

بارك الله فيكم وجزاكم الله خير