تضحك تقول أموت بك لاقلت كلمة (هالشّكل)
ياحلْوَها لاقلتها.. وإلا احنا / كلمتنـا (كـذا)
يابنت.. جوزي عن سواليف اللكاعـه والهبـل
وإلا انتـي مـا والله وراك إلا المشاكـل والأذا
ما كـل شـي ٍ تشتهينـه.. تحسبينـه ينوكـل
قولي هو اللي سابقك بالدرب هذا..وش خـذا؟
بس اتركي عنّك علاقـات الصياعـه والغـزل
وإن أشَْكلَتْ لك هالشّكل! روحي اقلبيها هكذا
مانيب أنا اللي يجذبه مدحك وترتيـب الجمـل
اخذي الحكي من قاصره: لو تبعدي... ياحبـذا
مدري؟؟ و لك فتره تبين تكلمين بـأي شكـل!
نوعيتك (متعوده .. دايما ً) تحـب هـذا.. و ذا
يالعنبوا اسلوبك صراحـه مـا يجاريـه الخبـل
ولا يدوس الشوك غير اللي علـى دربـه حـذا
يمكن أفكّر أعشقـك.. إذا بقيـت بـلا عقـل
بس احتريني/ واحتري متـى تجـي كلمـة إذا
والله يا إن البنـت روعتهـا بحياهـا والخجـل
والموت لا بيّن خجلهـا.. شفتهـا ورد وشـذا
هذي قصيده قلتها من زود قهري فـي عجـل
ولا بعد ودّي تطول السالفه أكثـر ... لـذا :
والله تراني ماهضمتك .. بس / كيفي / هالشكل
وإن مافهمتي هالشكل .. ترى بلهجتكم كذا !!
/
/
.
للعــذب / عبدالله مرعي الظفيري