الله يوفقكم إن شاء الله بـ هـ الوظيفة

وطبعا انا كنت سابقا موظف في ساب

الكول سنتر تابع لـ ريادة .

طبعا تعتبر موظف غير رسمي وتابع لـ الشركة

والراتب طبعا الشركة تقتص منه يعني تقريبا

اللي يطلع لك الراتب مايقارب الـ 3300

طبعا فيه تأمين طبي وتأمينات إجتماعية .

طبعا اللي أعرفه انا أنه المقابلات تكون بـ نفس مقر الكول

سنتر اللي بشارع الضباب يكون مقره بـ الضبط /

اول ماتدخل الضباب من خريص تتجه جنوب عند ثاني إشاره

راح تشوف علامة الكول سنتر واضحة مرة وتبي تلقونه

مقابل لـ الغرفة التجارية .

لكن مدري إذا البنات هناك ولا لا لكن الأغلب أنه هناك .

وبـ النسبة لـ الإنجليزي يطلب شيء ما منه .

وبـ النسبة لـ الأسئلة تكون حوارية يعني مالها منحى محدد

لكن الأغلب تبدأ بـ :

talk about your self ?

يعني تحدث عن نفسك .

وطريقة الجواب المعتادة تكون بـ /

إسمي / ....... عمري / .......... وبعض المعلومات الشخصية

يعني إحفظيها حفظ قبل ماتروحين لهم

بعدها يكمل أسئلة على حسب الكلام اللي يبي يكون .

لكن ترى الترسيم على البنك بـ ساب الأمل موجود

لكن يبغى له صبر شوي

أتمنى لكم التوفيق

وشدوا حيلكم جميع ولا تنسونا من الدعوات وشكرا .

تحاياي ,,,