السلام عليكم ورحمة الله وبركاته
مساء ""صبااح ""الفل والياسمين ..
.
.
قصيدة للشاعر عبد الله بن صبيح ..
.
.
علـى مـر الزمـن ننسـي ملامـح فطـرة الانـسـان
وصــــار الــوقــت يـبـعـدنـا ولا عــــاد نـتـذكّـرهـا
زمان (ن) راح باجياله وزمان(ن) جاء بجيل(ن) ثان
ونتمـنـى جيلـنـا الـقــادم حضـارتـهـم يعـمّـرهـا
قصصهـم هـي مدارسنـا وحضارتهـم لنـا عـنـوان
وتبقـى مـن الوفـاء قصـة زمـان(ن) مـات ناشّرهـا
وشاعـر راحـت ايامـه وبقـى ذكــره عـلـى الاوزان
بقصيـده فـي مجالسنـا ولـكـن ويــن شاعّـرهـا؟
قصيـده فــي معانيـهـا تـشـدّ وتنـعـش الـوجـدان
تذكرنـي بزمـان(ن) فـات رغبـت اسـمـع واكـرّرهـا
ألا يـاوقــت مـاتـذكـر بـقـايــا داخــلــي واركــــان
ولا أحــد(ن) يـازمـن غـيـرك إذا خـلـتـه يـحـرّرهـا
تـذكـرنـي بطفولـتـنـا وتواصـلـنـا بـفــرح واحـــزان
بــذاك الـحـي واركـانـه معـالـم قـمــت احـضّـرهـا
طـفـولـه كـنـهــا ورد... وبـرائـتـهـا ورق ريــحــان
علـى رمـل الـزمـن نكـتـب بقـايـا مــن خواطّـرهـا
نعيـش بوسـط عالمهـا وتـحـس ان كلـنـا جـيـران
بساطـه.. بـس تجمعنـا المـوده فــي مشاعـرهـا
لنـا وقـت بملاعبهـا ولنـا وقـت(ن) مـع الشيـبـان
حـكـاوي اللـيـل تجمعـنـا ومجالـسـهـم نـدوّرهــا
يروح الوقت ماندري وننسـى ماضـي(ن) قـد كـان
مشـيـنـا فـــي مصالـحـنـا تسـيـرنـا ونسـيّـرهـا
تـطـورنــا وطــوّرنــا مـبـاديـنــا مـــــع الازمـــــان
صحيـح انّـا كسبنـا شـي وفيـه اشيـاء نخسرهـا
اشــوف الـنـاس تتغـيـر ومـبـادي وقتـنـا تـنـهـان
جـبـرنــا الــوقــت نـتـغـيـر ومـبـاديـنـا نـغـيـرهــا
بعضهم صار في منصب ونسى ربعه مـع الخـلان
تـروح سنيـن مـن عـمـره ونفـسـه فــي تكبـرهـا
وبعضهم زاد في علمه ونقـص بـرّه مـع الاحسـان
نـسـى اقــرب قـريـب(ن) لــه مـبـادي مايعبّـرهـا
وبعضهـم غـاب عـن ربعـه وبحـزّت حزنهـم مابـان
ولايـدري مصيبتهـم مــن الـلـي كــان حاضـرهـا
وبعضهم عنـد حاجتهـم يجـي محتاجـك وطفـران
مـــادام انـــه يـبــي مــنــك زيــاراتــه يـكـثّـرهـا
ولكـن لأمتـلـى جيـبـه يغـيـب ولا يـجـي يـافـلان
ويمـكـن يـذكـر عيـوبـك عـلـى غـيـرك وينشـرهـا
وبعضهم عاشق تشوفه يعيش الحب في كتمـان
ألا ياكـثـر مايـعـشـق وسـمـومـه بـــس ينـثـرهـا
علـى الجـوال لا شفتـه تقـول العـاشـق الولـهـان
وهــــو ارقــــام خـزنـهــا ورســالاتــه يـمــررهــا
علـى وقتـه يطـورهـا اسالـيـب(ن) بـهـا نقـصـان
حسافـه يـوم طورهـا نـسـى وش هــي مآثـرهـا
تطـورنـا ومشاكـلـنـا تـزيــد مـــع الـزمــن الـــوان
تمنـيـنـا يـــروح الـوقــت وحـنــا مـــا نـعـاصـرهـا
تـطـورنـا وعايـشـنـا زمـــان(ن) فـــرّق الاخــــوان
الا يالله رجـعـنــا لــزمـــان(ن) فـــــات يـنـكـرهــا
ألا يـاوقـت وش فيـنـا نسـيـنـا فـطــرة الانـســان
وحــضــاره ماتـجـمـعـنـا عـســانــا مـانـطـورهــا
منقول
دمتم برضى الرحمن