أنصحك لاتشتكي ،، انا عارف انه حقك ، بس الشركة اكيد عندها مبررات فوق ماتتخيــل
ولو رحت وتعبت نفسك ، راح تشوف الردود ماتعجبك ،،
اولا // بعد ماتقدم الشكوى للموظف المختص راح يقلك كلها يومين وجيت تشتكي ، مالها داعي
الثاني لو ( عزمت قلت لا ابي اشتكي ) هم يرسلون لهم خطاب توضيحي ،
تقوم الشركة ترد عليهم ، وهذا يبيله كم يوم ، وفي النهاية بسلمونكم رواتبكم ،

لكن صدقني بعدها
طبعا راح يضايقونك ، ويدورون عليك ابسط غلطة ويسجلونها في المف ، وماراح يتعاونون معك في شي
وراح يحاولون ينقلونك من مكانك علشان يطفشونك ،
لأن اهم شي عندهم ان سمعتهم ماتطلع برى ،،،خاصة لمكتب العمل ، لأن أوراقهم كلها عن طريقه ،

وفي النهاية أنت الخسران ، وأتوقع بعدها تقدم استقالتك ، لأن مافي انسان يتحمل التطفيش ، خاصة احنا السعوديين ....

أتمنى تكون صبور ، وهذا باب رزقك لا تسكره عليك ، ولا تستعجل ، كل شي بشكوى ، ؟؟؟؟
وأعتقد أن الأمر بسيط ، وصدقني عملنا في اماكن كثيرة وكانت تتأخر الرواتب ، ولا نقول شي
لأنهم ببساطة يقولون الحين ماعندنا في اقرب وقت ابشرو ....

تقبل نصيحتي وشكرا لك