مؤخراً ظهرت ظاهره غريبه بالاسواق ... البنات السعوديات اغلبهم يتسكعون والمشتريات قليله اما الاجنبيات فالوحده تمشي ومعها اكياس من محلات ارخص قطعه فيها لاتقل عن 4000 ريال ... لدرجة صار الاحترام لهم داخل هذي المحلات اكثر من السعوديات 
يعني تحولت نظرت الاجانب لنا من الحقد على الخير الي عندنا الى نظرة احتقااار غريبه !!
(( وخير دليل على هذا .. المنتديات وشماتت الاجانب على حالنا وفقرنا وفرحتهم فينا ))
والمنظر اصبح يتزايد يوم بعد يوم ..... و بشكل مقزز
واخبار الفقر والناس المحتاجه بالجرايد وبالنت اوحتى من تناقل الاخبار بين الناس ....... يقطع القلب و تخلينا بحاله من التشائم واليأس
المهم ..........
كتبت هالموضوع لأني اليوم شفت منظرين والفرق بينهم يحبط من جد .........
المكان - الرياض - اسواق الممكله
الزمان - اليوم وكل يوم (( الى ان يبعث الله للشعب السعودي مسؤول يغار على بلدة وكرامة ابناء بلده 
))
المشهد الاول .....
اجنبيه داخل محل ماركه عاليمه مشهووووره واشترت شنطه ب 8 الاف ريال واشترت لبنتها شنطة مراهقات ب 3200
وانا اطالع فيها وعيوووني طاايره .... اذا 8000 عندها كنها 800 او بالاصح كنها 80 ريال ......... فكم هو دخلها او دخل زوجهاا ؟؟؟؟
وايش هالمؤهلاات العظيمه الي عنده ومايمتلكها ولد بلدي ؟؟؟
يكون بعبقريه بيل قتسس او صابر باتيا وحنا ماندري ؟؟؟
والله عالم عجيبه !!!
المشهد الثاني .....
دخلنا وقت صلاة العشاء للمصلى .... وكان فيه عجووز سعوديه تشحذ عند باب المصلى ومنظرها يقطع القلب وللأسف ومحد كلف خاطره يمد لها ريال ....... وربي شي يقهررررر ......!!
من شنطه ب 8000 ريال مع اجنبيه الى مواطنه تتمنى الريال في بلدها !!!
من يرحم شيبتها ؟؟ من يحفظ كرامتها بأخر عمرها في بلد يمد المليارات لفقراء العالم ؟؟؟
تسائل يدعو لليأس ...كيف تنحفظ الكرامه اذا الساده الكرام يقولون ماعندنا بطاله ولا فقر !!!
والله ثم والله ماطلعت هالعجوز تشحذ طمع عشان تشتري شنطه ب 8000 ريال ... وكان واضح من نظرة عينها الكسيره انها تخبي واااااقع بائس
والمسكينه قصدت افخم مراكز الرياض .. لكنها مادرت ان العالم كل ماارتفعت احوالهم تكبروا على الفقر والفقرااء .... للأسف
وماحال هذي العجوز الا مثال بسيط او بالأصح مقارنه لموقفين في نفس المبنى .... وماخفي من حال الفقر بالمجتمع السعودي كان اعظم
بعد هذا المنظر جا في بالي عدة اسئلة لوزيرين موقرين ........
الأول للسيد المبجل وزير العمل .............
س1 : هل تتوقع من هذا المسؤول الأجنبي انه يتقبل موظف سعودي نشيط ومجتهد وعنده شهادات ؟؟؟؟ بالعقل انا لو مكانه والله بخاف الف مره لاياخذ هالسعودي مكاني ؟؟!!
س2 : هل اقصى طموح سعادة حضرة جناب الوزير الموقر هو توظيف السعودي فراش عند هالوافد يسوي له الكوفي كل صبح ؟؟
السؤال الثاني للموقر سعادة وزير الشؤون الاجتماعية المحترم .............
س1 : من المسؤول عن كف حاجة تلك المواطنه وغيرها الكثيرر ؟؟؟
س2 : اما كان الاولى ان تصرف بعض المليارات المرسله لفقراء الخارج على فقراء الداخل .... وكيف يعلم ولي الأمر بالحاجه الفعليه للشعب اذا لم يصلها المكلف بإدارة شؤونهم ؟؟
والسؤال الأهم .... ماهو شعورك لما يلجأ محتاج لجريده رسميه يعرض حالته وانتم آآخر من يعلم فيها ويتكفل اهل الخير بسد حاجته ومن ثم تتدخل وزارتكم الموقره وعلى استحيااااااااء للمشاركه ؟؟؟ (( حتى مجرد مشاركه ليتها تكفلت على الاقل وعوضت التقصير ))