السلام عليكم ورحمة الله وبركاتهُ
كيفكم ياخريجي الثنوي
الف مبروووك التخرج وعقبال الكلية المناسبه أو الوظيفه
الله يوفق الجميع
اعرفكم بنفسي : طالب في كلية الملك عبدالعزيز الحربية
بصراحه دعاني اخوي وعزيزي (ملازم بدون نجمه)
لكي افيدكم بما اقدر عليه
بصراحه تفاجائة لهذا الحماس من الردود
ومتى التقديم .. ومتى القبول .. وطولي .. ونسبتي ... ومدري كيف
احب اقولكم شي هام..
الكليات العسكريه تبغا رجال لديها صبر ولياقه عاليه
يعني كل الي يسونه هذا من قبول وفحص لمصلحتك انت
تخيل انك كل يوم تبي تجري 1600متر في الصباح وفي الليل 1600متر << اقل شي
غير التمارين الثانيه ...<< برنامجك مافيه وقت فاضي الى وقت النوم
وطول اليوم واقف يجب انك تكوون مجتاز كل الشرووط ولا راح تتعب ..
ولا انسا الاهم فيه تعليم من علوم عسكريه و مدنيه
وفيها رسوب ولي يرسب سنتين متتابعه راح يطردونه من الكلية
وانصح اصحاب (ال و)
اذا جسمك مو مهيئه لتدريب لاتقدم
هذه الكليات مصنع لرجال << مو حي الله (:
اما بانسبه لتقديم الله يعينكم راح تتعبون شوي
بس مافي شي يوقف الطمووح
:::::::::::::::::::::::::::::::::::::::::::::::::: ::::::::::::::::::::::::::::::::::::
التقديم..
اقصد مسلسل التقديم << خخخخخخخ
1-اول شي تدخل بيناتك في موقع الوزاره << وزارة الدفاع وطيران , بعدين بيطلعلك رقم طويل تطبعه وتخليه عندك
2- تنتظر القبول المبدئي << سوف يتم تحديد الموعد وراح تطلع في نفس الموقع وفي الصحف
3-اذا طلع رقمك مع المقبولين مبدائي << راح يحددولك متى موعد تسليم البيانت الفحص الطبي واختبار اللياقه<<< وكلها مواعيدها مختلفه مرهـ اختبار اللياقه ومره الفحص وكل يوم لهم مكان مره بنفس الكلية ومره باللكليه القديمه ويالله عاد ... << جرجر اوراقك وراهم
ملاحظه: اختبار اللياقه اذكر يوم اقدم على الحربيه
اول شي تسوي ضغط(بشم) الي تقدر عليه بعدين تلف على الملعب 4 لفات
يعني 1600متر وفيه وقت اذكر كان 6دقايق درجه كامله
4-بعدين تنتضر القبول النهائي << الزبدهـ ,, (الله يوفق الجميع)
5- بعد القبول النهائي فيه شوية تحاليل دم وتسليم باقي الاوراق المطلوبه
6- بيسلمونك ورقه فيها متلطبات اذا جيت تدخل الكليه <<< اذا نقبلتو اعلمكم وش تسون
الله يوفق الجميع ويحقق للجميع طموحهم
ولا تقف هكذا خالي اليدين قدم على كليات ثانيه بس لاتصير بلا شغل ولا مشغله
عائق على اهلك وعلى المجتمع ...
دمتم بود اخوكم :طالب ضابط