السلام عليكم ورحمه الله وبركاته
مشكلتي مشكله!!! بس اتمنى احد يساعدني باي طريقه
دخلني الوالد مدرسه اهليه طبعا درست واخذت الثانوي بس الوالد مادفعلهم ولا هلله
وهم رافضين يعطوني شهادتي الا بعد السداد مع العلم اني لقيت وظايف بس مافيه شهاده
وعندي واسطه لدخول الجامعه بس مافيه شهاده والمشكله مر على تخرجي 3سنوات
يعني باقيلي سنتين بعدها الجامعه مايقبلوني
طبعا حاليا تزوجت وزوجي مايقدر يسوي شي الراتب قليل ويالله يغطي مقاضي واجار وفواتير
ونفسي اكمل دراستي من السنه هاذي وزوجي نفس الشي راح يكمل دراسته عشان نلحق اعمارنا
ونحسن اوضاعنا قبل لايطيح الفاس بالراس
والمبلغ اللي علي عشر الاف طبعا جمعت نصها بعت اسهم كانت عندي وجابتلي 3000ريال
وكنت مسلفه وحده الفين ريال من مهري بعد ماتزوجت ورجعتها لي الحمدالله
وبابيع ذهب عندي بيجيب يمكن 2000ريال
والله موب عايقني الا3000ريال دبرت اللي اقدر ادبره بس هالثلاثه موب راضيه تطلع
عجزت ادبرها ومصيري بالجامعه مرتبط فيها
هاللي عندي بالطقاق جمعته
ياليت احد يقدر يساعدني تكفون باي طريقه
واكووون شاكره لكم واسفه عالاطاله
