سلام عليكم
بدخل في الموضوع على طول ومن غير مقدمات او خدمات وقولو وش رايكم
انا مقدم على مستشفى الحمادي بالرياض واتصلو دوبهم على نسيبي
لأني مضيف رقم نسيبي في السيره الذاتيه في حالت اذا اتصلو على جوالي ومادريت
المهم اتصل عليه شخص من المستشفى يقوله خليه بكره يجينا في مستشفى الحمادي بالرياض
قال نسيبي طيب ماتقدرون تأجلونها لأنه من مكه ومافي وقت يجيكم بكره قالو لا للأسف مانقدر نأجلها ولازم يجي بكره
اسألكم بالله وش اسوي انا ماصدقت شركه او مستشفى او اي قطاع يعطوني وجه ويتصلون علي
والحين هالمستشفى ماقدر اني من مكه والمشكله مكتووب في السيره اللي ارسلتها كل بياناتي واني من مكه وحياتي كل ابوها في مكه
ماعندي اي مانع لو اتوظف عندهم بالرياض بس المفروض يقدر
اعذروني والله ياأعضاء طولت عليكم بكلامي لكن ودي افضفض واتكلم واقول اللي عندي
مليت من العطال لكن شسوي الشكوى لله وحده
والله يكتب لنا مافيه الخير في الدنيا والآخره