السلام عليكم ورحمة الله وبركاته
يا أخي أذكر الله في قلبك حرام اللي تقوله أستغفر الله العظيم
وين المصيبه اللي عندك أحمد ربك على الصحه والعافيه
يا أخي غيرك مرمي في المستشفيات ما يقدر حتى ينظف نفسه
بدل ما تحمد الله على سلامتك تقول راحت السياره وش هالكلام
والاصحاب يا أخي عرفت حقيقتهم وهذا بفضل الله
أنا أخوي صار عليه حادث وقدر الله عليه بأن يصاب بشلل نصفي وهو ما كمل كم شهر في الوظيفه والحمدلله كل يوم يحمد الله على قضاءه وقدره.
وقبل شهرين واحد من أصدقائي وهو معلم صار عليه حادث وقدر الله عليه بأن يصاب بشلل نصفي
وكان موعد زواجه قريب وحدد الموعد بعد ان تمت الملكه لكن قضاء الله وقدره وما نقدر نقول الا الحمد لله على كل حال ولعلمك صديقي هذا موجد في مركز عبداللطيف جميل التأهيلي الى الان والحمدلله راضي بقضاءه سبحانه.
الله يهديك بس اذا كنت تبغى تعرف انك في نعمه من الله روح لأقرب مستشفى وشوف الحالات اللي فيه.
وبالنسبه لوظيفتك في القطاع الخاص يا أخي غيرك جالس يدور له سنين وما حصل
هذا اللي أقدر أقوله لك وعسى الله يفرجها علينا وعليك