عاشق الاخضر تعال هنا اذا ماوصلتك الرسالة
اقتباس:
|
المشاركة الأصلية كتبت بواسطة عاشق الاخضر
اخي جامعي محاسب ارجو ان تعطيني وصف لموقع مكتب مدير عام الاداره العامه للمشتريات والمستودعات واين يقع مبنى رقم 19 ومن اي بوابه ادخل عليه (لان عندي مقابله)
وهل تنصحني احضر بدري للمقابله وماهي الاجراءات قبل المقابله ارجو انك توضح لي بارك الله فيك ... اسال الله الحي القيوم ان يرزقك الوظيفه
|
يا هلا والله عاشق الاخضر
انا ما ادري انت تعرف شي في جامعة الملك سعود او لا عشان اوصف لك
شوف البهو الرئيسي لمركز الجامعة
شفت حقت اللي اختبرنا فيها قاعة حمد الجاسر
اذا جيت وخليتها قبالك على طول بوجهك تكون فيه بوابتين وحدة يسار ووحدة يمين
انت رح يمين كانك بتطلع من البهو
اذا رحت يمين بتجيك بوابتين وحدة اللي بتطلع منها ووحدة بتكون قبالك
اذا طلعت من البوابة الاولى رح جهة اليمين عند الاصنصير
ورح الدور الثالث
ولين وصل الاصنصير رح يمين بتشوف اسم المكتب معلق
وانصحك تروح بدري اذا كنت ناوي تخلص بدري
لان اول ماتدخل يخليك تسجل اسمك في ورقة ويعطيك ورقة ثانية تعبي فيها بياناتك
وينادي بالاسماء حسب اللي سجلوا يعني كل ماجيت بدري تدخل المقابلة بدري
واهم شي لا تنسى بطاقتك معاك
وخذ معك احتياط الاوراق واي دورات او خبرات عشان اذا سالك عنها تكون جاهزة عندك اذا بغى يطلع عليها
والله يوفقك يا خوي
واي استفسار ثاني انا حاضر لك