مما رااااق لي في مدح الدواسر فديتهـــم...

بديـت بسـم اللـي لـه الكـل لـبّـاه
رب(ن) عظيم(ن) خالق الجن من نـار
ومن بعدها باختار مـن قولـي أصفـاه
وانثر في شعري كل جزل(ن) ومختـار
وما كل مـن يطلـب مـراد(ن) بيلقـاه
وما كل من ينظم حـروف(ن) بشعّـار
بعض الشعر أردى من الـدون معنـاه
وبعض الشعر يطرب كما يطرب الطار!
وبعض الشعـر مـا لـه وزون تقفّـاه
ماهوب شعر.. إلا شعير(ن) وأمـرار!
ويا ناشـدن عنـي خـذ العلـم باتـلاه
خذها جزيلة مـن جميـلات الأشعـار
يطرب بها سمعـك وذوقـك بيرضـاه
يجري بوزن(ن) مثـل جـري الأنهـار
أنـا للعـز حـزت أصلـه وأعــلاه
ولد الدواسـر بالفخـر أجهـر إجهـار
حنا الدواسر أصل فخـر(ن) ومزهـاه
حنا ودينا الجـار مـن طيحـة جـدار
من نسل زايد صاحب الحكـم والجـاه
حرّ(ن) أصيل(ن) من ولد نسل الأحرار
أنـا ولـد زايـد عزيـز(ن) مـنـاداه
شيخ(ن) تعزوى بـه دواسـر الأخيـار
الطيب طبعـه والكـرم أصـل منشـاه
من زود طيبـه منـه الطيـب يحتـار
كسّاب صيـت(ن) والفخـر دوم ويّـاه
وفالحق صارم مثـل سيـف(ن) وبتّـار
ما خاب من يزبنـه يـوم(ن) وينصـاه
يغيث من هو من عنـا الوقـت منهـار
من هـو طلبـه الجـود عانـه وهنّـاه
يعطي ومـا لـه فالعطـا مـنّ تذكـار
صحيـح مـات لكـن المجـد أبـقـاه
ما مات في التاريـخ قـرم(ن) وجبّـار
وعن ديرتي يـا ناشـدي خـذ مسمّـاه
إ(سدير) نبع الطيـب والمجـد والكـار
سلام يـا (سديـر) الفخـر والمباهـاه
يا جنة(ن) تسلب عقـول(ن) وأبصـار
يا (سدير) مالك فـي مفاخـرك أشبـاه
صيتك لنا يا ديرتـي حصـن وأسـوار
ذخر(ن) لاهلها سعْد مـن هـو بيغشـاه
أرض الجمال اللي بها الخيـر مـدرار
يفـز قلبـي كـل مـا مـر طـريـاه
ويحـنّ شوقـي لجـل حبـي لهالـدار
الديـن فرجالـه مـن أكبـر مزايـاه
وأهله من أشرف ناس عز(ن) ومقـدار
ومن طاب أصله بان طيبه فـي منحـاه
ينفـع كمـا تنفـع محيطـات وأبحـار
وإلا الـردي يـا كثـر شـرّه وبلـواه
وما يصحبه يا كـود جاهـل وضـرّار
وآخـر كلامـي أدعـي الــرب يالله
صلّي وسلـم ع النبـي سِيْـد الأبـرار

دمــــــــــــــــــــتم بود,,,,