اقتباس:
المشاركة الأصلية كتبت بواسطة سلمان ناصر
الله يوفقك
أنا زوج أختي من زمان في ها الشغلة
و فتح محل و قام يشتغل في الجبس و الديكور و الحمد لله أمورة ماشية زي الحلاوة و يطلع صافي ربح في السنة ممتاز و القوالب الجبسية هو إلي يسويهم و الرجال رسام يسوي زخارف و أشكال ممتازة و على مزاجة و يصمم للزباين
و نصيحة اخوي ترا لوا فتحت محل ديكور و قمت ببيع منتجاتك( ولا تبيع حق أحد حصري على محلك الخاص ) صدقني راح تربح لانك أولا ما تكلفك إلا القليل و تقدر تتحكم في السعر وتكون أقل من السوق و ثانيا تقدر تسوي الزخارف المعينة على حسب طلب العميل و كذا أنت ربحان من الجهتين .
|
على هالكلام بيقولون الشركات الكبار بنفتح محلات توزيع ولا راح نبيع على محلات التجزئة هل في رائيك ستربح هذه الشركات مثل ربحها الان ؟؟ لالا
ليش؟؟
لانه اذا احتكر عمله راح يبيعه في مكان واحد فقط
بينما اذا باعه ووزعه على اكثر من مكان راح يكون فيه خطوط توزيع كثيرة وعلى هذا راح يكون الانتاج والطلب عالي اذا الربح اعلى
اذاً من رائيي انك يا اخي تظل على التوزيع يعني تنتج وتوزع وتكون راس مال وتتوسع وتقدم على صندوق التنمية الصناعي وهو ان شاء الله راح يساعدونك بقرض مثل راس المال الذي لديك يعني معاك مليون يعطونك مليون وهكذا ونصيحتي لك توسع ووزع اكثر وكثر عملائك من المحلات افضل من انك تفتح محل بهالوقت واذا فكرت تفتح محل خله بعد ماتتوسع وافتح محل ونصيحة لك اذا كان عملك متقن مثل الصورة الاولى انك تفتح مؤسسة في شمال الرياض لكن بعد ان تتوسع في صناعة الجبيسيات وبعد ماتفتح محل حط اعلانات وخله بمكان مميز وانشاء الله تتوفق بس اول شي التوسع وانا اعرف واحد من زمان مسوي مثل طريقتك لكن خزفيات وعنده افغانيين يسون له الخزفيات وكان شغال مية المية
جته وظيفة وتوظف وقال انا بعد الدوام بروح للمشروع بعد ما ارجع من دوام كل يوم مع الوقت خرب الشغل والعمال قلت انتاجيتهم والى سافر والى انحاش وخربت الشغلة والخزفيات بعضها الى الان في الاسترحة مع انه كان يطلع دبل رابته
حاول انه يرجّع المشروع على ماكان عليه بس للاسف ماقدر وخرب مشروعة والان من البيت للوظيفة ومديون وحالة ماتسر... الى اوصله لك من هالي ذكرته عن هالشخص انه اذا المشروع نجح باول ماتشغلة لا تغتر وتطمع بوظيفة او اي شي يشغلك عنه خلك جاد وحفز نفسك وضع امامك اهداف عشان تسير والتوفيق بيد الله اول واخر
نصيحتي لك اظبط العمل خصوصا ان الصورة الاولى الى مسويها احترافي جبس وبعدها توسع ولا تغتر او تطمع ومع الوقت راح تربح
وبالتوفيق