ابو اسحاق بابتسامة: لماذا لا تلومهم؟
ارخميدس: لانكم دايم تخربون عليهم يعني الواحد منهم ياحليله يتعب عشان يجيب البلاوي الزرقاء والسرابيت اللي معهم....وفي الاخير تجون انتم بكل بساطة وتصادرونها عليهم.....بالله هذا ما يقهر؟؟
ابو معاذ: لا وجود للمنكرات في مجتمعنا ومن تأثر بالفكر الغربي فعليه الذهاب اليهم ليطبق ما يراه صحيحا في نظرهم
ابو اسحاق:حسنا ايها الشاب نريد ان ناخذك في جولة لترى كيف ان صورتنا تحسنت بعد مقال عاطل مو باطل..
ارخميدس: لاداعي لذلك قسم اني مصدقكم
ابو معاذ: كلا يجب ان ترا الحقيقة بعينك لتنقلها بدورك الى منتدى حلول البطالة وتبلغهم سلامنا
ارخميدس على مضض: حسنا حسنا..
ابو اسحاق يجيب الصالون وابو معاذ ماسكني بيده
ارخميدس: ابو معاذ الله يجزاك خير لا تسحبني كذا والله لو يشوفني ابو زوجتي انه يحرمني منها....يحسب انكم مسكتوني في قضية والا ماشابه ذالك خلني ابطلع لوحدي.
ابو اسحاق ينزل قزاز الصالون: وما ادرى عمك بأنك معنا هذه اللحظة؟..
ارخميدس: عمي في الطائف هذه اللحظة
ابو معاذ بدعابة: حسنا اذن لا خوف عليك
ارخميدس: لقد بالله عليك تخيل لو يجيك واحد ويصورني وانتم ماسكيني والله ثم والله اني اظل معلق طول حياتي لاني متزوج ولاني اعزب لكني عندي حل وسط
ابو اسحاق: عليك به
ارخميدس: اجيب السيكل حقي فيه ثلاثة مقاعد
ابو معاذ:ان حرارة الجو الان مرتفعة
ارخميدس: اذن فلنذهب بسيارتي لاي سوق
ابو معاذ: حسنا حسنا
ابو اسحاق:حسنا حسنا
ارخميدس: اذن انتظروني برهة قليلة من الزمن ريثما اعود
رحت اجيب مفتاح سيارتي (الجيب) ورجعت لهم لقيتهم يتقهوون والناس يصورون صالون الهيئة ويصورون بيتي
قلت عز الله اني رحت فيها
طلعنا في الجيب وفي السيارة
ارخميدس: لماذا كل هذيك الحشود التي كانت تصوركم وتصور منزلي ..... هل في شي؟
ابو معاذ: نحن نعيش في مجتمع غريب نوعا ما
شوي الا جوالي يدق
المتصل بياع الحمام
بياع الحمام: مبرووووووك شفتك في اليوتيوب والبلوتوث لا .....وعلى الايميل
ارخميدس: طيب وش تبي الحين؟
بياع الحمام: مسكوك الهيئة....احلااااااااااا يامجرم والله انك خطييييير خخخخخخخ بالله ابطلع زيك
ارخميدس: تبي تطلع.....حط في جيبك لجة والله العظيم لا تطلع في اليوتيوب وتطلع لك نخلة من العلوم اللي بتجيك
بياع الحمام: علوم والا رياضيات خخخخخخخ
قفلت الخط في وجهه
ابو معاذ: دعك منه ولا تلقي له بالاً
ارخميدس:كلا انت اللي دعك منه...
قربنا من احد الاسواق
صمت لمدة خمسة دقايق.....قلت خلني افتح معهم موضوع
ارخميدس: تصدق يا ابو معاذ......اني اقدر امشي الجيب هذا على كفرين
ابو اسحاق: لاتفعل هكذا فأنه الموت بعينه
ارخميدس: لا تفهم غلط......انت اول شي تمشي بشويش بعدين تروح لأقصى اليمين وتسحب لاقصى اليسار وترجع للمسار اللي في الوسط وخلاص تلقاها مشت على كفرين
ابو معاذ بابتسامة: حسنا لقد صدقتك
قلت شكله يكذبني
ارخميدس: خلني اسويها
واجي واروح لاقصى اليمين والطم دينا واقفة واروح لا قصى اليسار والطم واحد صعيدي واقف واروح للمسار اللي في الوسط وانقلب على التندة
وبعد اقل من دقيقة جوا ناس يجرون ومعاهم شعار الهيئة وحطوه على سيارتي وشوية جو المصورين يصورونا
وفي اليوم الثاني اشوف صورة سيارتي وعليها شعار الهيئة وعلينا هجووووووووم ارض جو من بعض الناس بعد ما حبكوا اللعبة جاؤوا يطالبون بإلغاء الهيئة !!!!!
لا واللي قاهرني انهم كاتبين اني انا الضحية وانهم اقتادوني مكبلا بالسلاسل الى مركز الهيئة!!!!!!!!!!!!!
وانا مقلوب في السيارة اقول لابو معاذ: ياخي قلت لك اني مصدق ان نظرة الناس تغيرت تجاهكم
ابو معاذ: وانا ايضا مصدق انك تعرف تمشي السيارة على كفرين
انتهت القصة واحب انقل لكم سلام ابو معاذ وابو اسحاق
واحب اقولكم ان الهجوم ضد الهيئة مستمر طالما ان المهاجمين مايبون الا مصالحهم الشخصية وطالما ان أي خطأ فردي لرجال الهيئة يعتبر خطأ لجهاز الهيئة بالكامل
الله يخلي لنا الهيئة ويخلي لنا اللي يحب الهيئة ويخلي لنا اللي ينتقد بعقلانية ويخلي لنا عاطل مو باطل وقلب المملكة وابو وليد ويخلي منتديات البطالة ويخلي كل الاعضاء وكل الزوار والمشاهدين والمستمعين>>>انحشر ما عرف ينهي الموضوع
شكرا لكم وشكر خاص لعاطل مو باطل