بسم الله الرحمن الرحيم

توني جاي من الحرس وتقريبا والي صار نفس الي قالوه الأخوان قبل وصار عندي امل 99.99% منقبل مبدئي



جيتهم الساعه 3 صفينا طابور جا عسكري يشوف شهادتك ويعلم عليها

فتحو البوابه بدينا ندخل دخلنا بعد البوابه صفونا صفين والي منظمنا ملازم اول ماامدانا نصف 5 دقايق أذن الفجر كلن حط ملفه وشماغه وعقاله بمحله ورحنا صلينا ورجعنا ومشينا للمسرح نصيحه تكو ايسر شي بالمسرح عشان هم اول ناس يمشون ويخلصون بسرعه تكيت انا بالنص
جا عقيد يشرح لنا وش بيصير ومراحل القبول
فوق المسرح فيه مجموعه عساكر افراد على كميوترات تطلعولهم بالدور تجي عنده يقول عطني اثباتك دفتر العائله صورة بشمغ وصورة مكشوف الراس
الي بشماغ ياخذها والي مكشوف يرجعها يسالك اسم امك وابوك ونشأتهم وين يشتغل ابوك حاليا وسابقا
يطبعلك كرت بسمك وذا تخليه معك طوال مارحل القبول حتى النهائي
تطلع من المسرح على طول بوجهك عسكري ياخذ الكرت ويدبس صورة مكشوف الراس ويختمها تدخلو زي فصل مافيه مكيف اختبار تحرير 20 دقيقه اسئله منوعه طريقة الاجابه زي القدرات
تخلصون تروح تسون الكشف الطبي لاخلصتم يعطونكم الاستمار وترجع الساعه 4 لياقه
نصيحه الي يجي اسمه بعيادة 3 يسحب عليهم ويطلع لأنه ملعون جدف استقعاد كلهم ثواني بس ويطلعون حنا الي بعياده 3 يستقعد من راسك الى رجولك يحسسك انك جربان وجهه يجب الهم والله من شفت خشته تحطمت وغسلت يدي من الحرس يوم خلص نشبتله قتله بشر معي يقول ونفسه بطرف خشمه
اما عياده 2 ان شاء الله يطيح اسمكم فيه كفو وطيب وحبيب ويمشيك من دون مايطالع فيك

طبعا الكشف الطبي بالصاله الرياضيه المغلقه ول شي طول ووزن الطول نقصوني 2سم خلوني 170
والوزن ماركزت وش قال

والله ذا الي اذكره الحين
وانا اكتبلكم عين مفتحه وعين مسكره
والله يكتبنا الحرس او البحريه معني الحرس ماظنيت بنمشي مبدئي

وياشباب القبول المبدئي تنقبل باكثر من كليه عادي بس بالنهائي تنقبل بوحده المبدئي مافيه تنسيق بينهم وعادي بس النهائيه يرسلون الاسامي لبعض واي واحد اسمه متكرر يسقط بوحده عادي يعني ماراح ينضر احد