يا اخوات لازم تتعودون انكم ماتسمعون كلام الناس او خذوا المفيد واتركوا اللي ماله اصل واثبات

انا في هذا المنتدى وغيره دايما لما يعلنون عن وظيفه اشوف ناس يطلعون لنا بكلام سلبي كله عشان تطفشون ولاتقدمون واللي يقولون هذا الكلام هم من اوائل المتقدمات تشوفونهم

مو حلو هذا الأسلوب

يقول صلى الله عليه وسلم : " يسروا ولا تعسروا ، وبشروا ولا تنفروا " (البخاري)

اللي عنده تحذير وتنبيه ممكن يقوله ويقوله وهو على بينه وعنده الدليل ويحدد كلامه مايعممه

يقول كلام واقعي ومنطقي الواحد يستفيد منه
قولوا معلومه مفيده تفيد اللي بيتقدمون

قل خيرا او اصمت ......

معروف انه كل وحده فيكم تبغى الوظيفه ومتأمله يكون لها نصيب فيها , وان شاء الله كلكم تتوظفون يااااارب

بس احب لاخيك ماتحب لنفسك ....


لكن اللي يقول لاتقدمون والوظايف راحت والواسطه موجوده ولا الدوامات مو زينه ولا مايسلمون الرواتب و و من هذا الكلام السلبي اللي مايفيد

كيف تبغون ربي يوفقكم بس

الله اعلم بالنوايا بس احسن شي الواحد يتعود انه يقول كلام زين كلام فيه خير للناس ويدخل السرور لهم مو يأذيهم

عن عبد الله بن عمر - رضي الله عنهما - أن رجلاً جاء إلى رسول الله - صلى الله عليه وسـلـم - فقال: يا رسول الله أي الناس أحب إلى الله؟
قال: أحب الناس إلى الله أنفعهم للناس، وأحب الأعمال إلى الله -عز وجل- سرور تدخله على قلب مسلم".