السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين اما بعد: اخواني اخواتي مساكم الله بالخير انا عضو جديد وهذا اول موضوع لي معكم وحبيت انقل لكم فكره يمكن غافل عنها الكثير منا وحبيت ان الفايده تعم الجميع (ومثل ماتعبت في كتابته مااتوقع تتعب في قرايته) ( لان الفايده لك ولها ) الله يعينكم علي بس ترى الموضوع شيق مو تقوول ياليل كشف حساب ذا مو موضوع (ومن يبي الدح مايقول اح) الكثير منا يفكر من ووين راس المال علشان يبدأ مشرروع؟؟؟؟؟؟(هذا التساؤل محبط للامال) وانا هنا راح اقووله انك تبي في حسابك 10000 تقدر لاتقول لا اذا كانك متوظف وعليك قرض كاسر ظهرك واو عاطل (عسى الله ان يفتحها بوجهك ويرزقك) عندي لك الحل ان شاء الله فكر في الجمعيات يمكن بعضنا مايعرفها او الاسم غريب عليه ؟؟؟؟؟؟؟ الجمعيه هي عباره عن عده اشخاص من 4 وانت طالع قطه شهريه ولو من 100 ريال وانت طالع وكل شهر يأخذها واحد اعطيكم مثال / انا وفهد وصالح وخالد وسعود من 1000 كل شهر كل واحد منا ملتزم يدفع للي له الدور الف ريال انا اخذ 5000 شهر 1 فهد يأخذ 5000 شهر 2 صالح يأخذ5000 شهر 3 خالد يأخذ5000 شهر 4 وسعود يأخذ 5000 شهر 5 عاد هذا مثال بسيط والترتيب بينكم على حسب احتياج الشخص لها لاتقول ماقدر؟؟؟؟؟؟؟ اتفق (لايزعلون علينا خواتنا) او اتفقي مع ناس ثقات من معارفك او اخوياك او ناس تثق فيهم( جمعيه )انت وقدرتك من 500 او من 1000 او من 2000 وانت طالع وكل ماكثرو الاشخاص كل ماكثر المبلغ وكلكم راح تستفيدون صدقنوني وحتى على ماسمعت ان خواتنا المدرسات طايحات فيها لاننا بطبيعه الحال مانعرف نوفر من منكم يقوول انا اقدر امسك من راتبي الى الشهر الي بعده نادرا (وحنا نتكلم عن الاغلبيه) فما بالك بواحد منا عاطل؟؟؟؟؟؟؟ وحدد لك شهر قريب راح يجيك منها مبلغ حلو تقدر لاتقول لا مااقدر تسوى مشروع فيها ورتب وضعك ومشروعك على الشهر اللي راح تستلم منه الجمعيه لو انتم 10 اشخاص من 1000 تجيك 10000 الاف حلووه لانك ماتقدر تجمع 1000 ريال شهريا لانك لو زاد معك شئ رحت لاقرب سوق وقمت تكشخ بس الجمعيات ذي تربطك مع اشخاص وصعبه انك تغير رايك بعدين وفيها التزام وانضباط ويكون محدد لكل واحد منكم شهر يستلمها واهم شئ ناس ثقه ولاتنسى هالانضباط خلال الفتره البسيط ذي صدقني انك تستفيد فيه نقطتين: اولا/ يمكن تدخل شراكه مع احد الاشخاص اللي معك بالجمعيه وتشووف بعدين ان الحركه فيها بركه ويمكن تطلعون ثلاثه ويمكن اربعه تشاركون في مشروع براس مال خمسين الف. ثانيا/ الجمعيه تعودك على الانضباط في التعمل مع الاشخاص وهذي النقط راح تفيدك مستقبلا في مشاريعك............... وحتى اخوانا العاطلين ليش لا من 500 ريال شهريا وانتم 10 تجيك 5000 حلووه والله يمديك ياشيخ تسووويلك مشروع صغير على قدك ولاتنسى يمكن تشارك انت وكم واحد؟؟؟ هذا حل حلو يااخوان مع العلم اني اعرف اشخاص داخلين جمعيه من 4000 للواحد وهم تقريبا حدود الثمانيه يعني هي على الاشخاص اذا كثرو من صالحك واذا كثر المبلغ بعد من صالحك نصيحه اخو لاخوانه احسن من القروض البنكيه المشبوهه حتى بعدين ماتدري راس مالك حلال والا حرام وابعد عن الشبهات يرزقك الله واحسن بعد من الفيز وتقسيط الصابون المشبووه اللي كلكم عارفينه نصيحه مجرب والجمعيات حلال ولله الحمد بس حنا دايم غافلين عن الحلال ونفكر بالشبهات فكررر بخوياك بالاستراحه او العمل وشف الثقات بس واللي تشوف مستواك مثل مستواهم وحتى انتي فكرري بعد مو خوياتك اللي بلاستراحه لالالالا اقارب او صديقات والمشاريع عاد تجي اذا جت الدراهم .................... وكذا مايكون لاحد عذر يقول ماعندي راس مال ابدأ فيه مشرووعي وبلا قروض بلا وجع راس واهم شئ اعتمد على الله وخل املك بالله كبير و يكون عندك ثقه في نفسك لان محد جاء من بطن امه عالم وترى الكل بدأ من نقطه الصفر اتمنى ان الموضوع حاز على رضاكم واعجابكم بما انه اول موضوع لي معكم واتمنى انك تدعون لي لان عندي اختبار بعثه خارجيه ادعوولي وهل الموضوع يستاهل التثبيت والا لا............؟ مع تحيات اخوكم/ فهد المضياني