اقتباس:
المشاركة الأصلية كتبت بواسطة احلامي متواضعه
ياشباب التقديم ماانتهى
انا رحت لهم اليوم
جلست انتظر لين اخذو ملفي
كل واحد يزحلقني على الثاني
نص اللي هناك اخلاقهم
تجاريه
ويبون يحقرونك لكن كنت لهم بالمرصاد
لين اخذ ملفي الرئيس الرقباء
وصفيت لوحدي عند الميزان
شوي جابو واحد لابس
ثوب
وقصير وقصره واضح
وجابو واحد ثاني مكمل رياضه وطوله ناقص 1 سم ونص
ونشبلهم لين خلاهم يقوسونه مره ثانيه
تخيلو ياشباب
اخذو اللي لابس ثوب وهو اقصر من ابو تكميله
وابو تكميله اللي نشب لهم قضبوه الباب
والله رحمته جاي من الطايف مواصل يومين
المهم
خلصت منهم
الحمد الله صار طولي 175 عقب التصليعه
وطلبو صور
الساعه 11 ونص
والله واركب موتري وطيران صورت اربع صور اربعه في سته وجيتهم على الساعه 12 وربع عطيته الصور قالي بعد الصلاه تعال
صليت انتظرت نادو على اسمي
عطاني دفتر طلب التحاق+ اوراق البصمات
قالي موعدك الفحص الطبي الاحد مستشفى قوى الامن الساعه 7 الصباح
والله ياجماعه مااخذت اي معلومات عن الدوره
بس وانا على الكراسي انتظر
قاط اذني
اسمع كثير يقولون امن سفارات امن سفارات
واللي يقول ناقص سنتي او نسبه وحده
لايتعب نفسه
مشددين بشكل فضيع
واللي يبي يقدم اتوقع اتوقع
الاربعاء اخر يوم
يعني اللي بيروح بكره الثلاثاء يروح
ولاينسى الصور + الشهادات+ اللبس الرياضي بدون بوت عادي
لان الفحص الطبي يبدا الاسبوع الجاي
دعواتكم لي ياشباب
|
الله يوفقك لكن اخوي النسبه متششددين عليه لزززم 75 ولا كيف ارجو لافائده مقابلتي 13 8 الله يعين