السلام عليكم ورحمة الله وبركاته ؛؛؛

ما ادري كيف ابدأ لكن اليوم جايب لكم مشروع ربحة 150% وخلال ثلاث شهور كما .

للامانة حنا الشباب ماورطنا غير الخوف من الخسارة والخوف مايوكل عيش لكن مثل قال الشاعر
اضرب على الكايد ليا صرت بحلان = وعند الولي وصل الرشا وانقطاعه


مشروع تخزين الذهب الأخضر ( البرسيم )
وهاليومين شرائه مناسب جداً جداً جداً جداً

الآن سعر البلكة الكبيرة قيمتها 9 لنفرض انك تبي تشتري 2000 بلكة راح يكون اجمالي المبلغ 18000 ريال . نقوم بعد كذا ونرصه في مستودع او مكان آمن يعني بالعربي نحفظه عن ظروف المناخ . الرطوبة والمطر . ويازين جو الرياض له .

مظبوط ؟

حنا الآن في شهر 8 وعلى وشك بداية شهر 9 اصبر الى بداية شهر 11 وقبل عيد الاضحى وراح تبيع البلكة بـ 17 ريال أقل شيء .

نقول تبي تبيع البضاعة كاملة بـ 17ريال راح تطلع لك 34000 ريال يعني ربحك 16000 ريال .

نقول تبي تبيع البضاعة كاملة بـ 20 ريال في حال ارتفاع الاسعار وهذه حصلت في سنة من السنوات حتى ان فيه ناس باعوا من 35 ريال راح يطلع لك 40000 ريال يعني ربحك 22000ريال .

ولاراح يكلف عليك الا مكان التخزين وهذا هو الامر المهم بالنسبة لـ هالمشروع

زبدة الموضوع : البرسيم يحصد فالصيف ثلاث مرات وفالشتاء لايزرع وهذا اللي يخلّي اسعاره ترتفع في فصل الشتاء .

هذا مالدي ولكم جزيل التحية والتقدير