السلام عليكم جميعا ..
كيف حالكم اول شي <<<راعية طويلة
انا تخصصي محاسبة وسويت المقابلة .. يمكن 10 دقايق او اقل.
بس مصدومة بقوة .. قالوا لي ان الوظايف هذي مو رسمية وانها عقود !! ومافيه اي بدلات او تأمين.
قال لي الى الان ماوفرنا اماكن للسيدات فالعمل بيكون من البيت .. لمدة 6 شهور او سنه ..
قلت حلو .. لكن الدوام من 7:30 الى 3:30 .. وقال لي الراتب بحدود 6000
سألتهم قلت متى تردون قالوا لي حول رمضان او بعده ..ماندري
سألوني سؤالين بس بسيطه في التخصص والباقي كله تعريف بالوظيفه وهل انتِ مستعدة لكذا وهل انتِ مستعدة لكذا ..
بالنسبة للي يسألون عن الاختلاط قالوا لي بيكون معك بنات لكن الدورة التدريبيه يعطيها رجل .. وبيكون بينكم وبين الرجال اتصالات وكذا ..
انطباعي العام .. كأنهم يقولون لي انحاشي ولا تجين .. من جد اول ماجلست رصوا لي السلبيات كلها!! كأنهم مايبون يوظفون !! مدري وش سالفتهم .. ياليت اذا فيه احد ثاني سوا المقابلة يقول لنا عن تجربته..

هذا اللي صار معي .. اتمنى لكم التوفيق.