السلام عليكم
صباح /مساء الخير على حسب توقيتكم المحلي 
الشاعر سلطان بن بتلاء الحربي يقول :ـ
اثــر الرياجـيـل تـفـرق بـالـمـدى والـعــزوم
والطـيـب كـايـد وحــزّات المـواقـف مـحــكّ
احد ٍ علـى اطـرف سبـب ماعـاد يقـدر يقـوم
واحــد ٍ لــو تسـكّـر الدنـيـا بوجـهـه ضـحـك
واحــد ٍ يعشـمّـك وتـظـنـه عـــزوم ٍ جـــزوم
لاجـيـت ســـرّاك فـــي حـكـيـه ولاسـرّحــك
شيخ المراكي.. جميل الهرج .. ذيـب العلـوم
ان مـاخـسـرت بجـلـوسـك مـعــه مـاربّـحـك
طلبـت لـي اثنيـن فـي مكتـب بنفـس الـلـزوم
ولـقـيـت مايـزعـلـك مـنـهــم ..ومـايـفـرحـك
واحـد يخلـي لزومـك صعـب ..فـوق النجـوم
وواحــد قـبــل لاتـبــدّي حـاجـتـك ينـطـحـك
ابشر .. وحاضـر .. ويـوم تجينـي اعـز يـوم
وش لازمك ؟؟ يارفيقي طال عمرك .. تحكّ
تفـداه خبطـة صـدور .. الحايصيـن الرخـوم
ماهـوب نـاهـض مـعـك .. لـكـنّ لايطـرحـك
والا انت لولا انك ضعيّف .. ومن روس قوم
والله لااحـرّج علـى فعلـك مـعـي وافضـحـك
تــرى الكـراسـي لــو تـطـوّل بـهــا مـاتــدوم
لاجـا مكانـك رجـل .. خـل البـشـر تمـدحـك
خلـك بشـوش الوجـه للنـاس وانـت امـخـدوم
بــدال مايـاصـلـك مـنـهـم حـكــي يـجـرحـك
اثــر الرياجـيـل تـفـرق بـالـمـدى والـعــزوم
والطـيـب كـايـد وحــزّات المـواقـف مـحــكّ
احد ٍ علـى اطـرف سبـب ماعـاد يقـدر يقـوم
واحــد ٍ لــو تسـكّـر الدنـيـا بوجـهـه ضـحـك
وسلامتكم .،