الله يسلمكم جميعاً،، والصحه تمام التمام،، صحيح تعبت من الدوام بسبب العملية،، ولكن الحمدلله تحملنا،،


مشكور اخوي ياويلي منهم مشكور على افادة اخوانك وما قصرت،،

بالنسبة للاخوان والاخوات اللي يسالون عن الشركات المتعاقدة،، يا اخواني لو توظفت عن طريق شركة متعاقدة وانجزت عمل ممتاز راح تترسم في البنك على طول،، ولو تبي احسبها لك صح هالحين احسبها،،

التوظيف عن طريق البنك كالتالي/
بعد القبول النهائي يتم ترشيحك للتأهيل المصرفي
التأهيل المصرفي عباره عن تدريب 6 اشهر ( والمغزي من هذا انك تخلص تدريب وانت فاهم كل شي توووووووب )
وبعد الستة اشهر الترسيم.

اذا جاي من شركة متعاقدة/
التدريب من قبل الشركه المتعاقدة مع البنك في نفس البنك التدريب،،
انجزت اعمال خلال ثلاثة اشهر،،
كسبت مهارات وخبرة في عملك خلال ثلاثة اشهر،،
ولا تنسى شي ضروري ومهم جداً،، انك تشتغل على انظمة البنك،، سواء كان البرامج اللي تشتغل عليها او الدوام .. الخ

بعد ستة اشهر او اقل من ستة اشهر اذا شايف نفسك والله ممتاز في العمل،، اعرض اوراقك على البنك وخلي مديرك المباشر في البنك يكتب لك توصيه،، وتترسم والله،،

ممكن اللي يجي عن طريق البنك التاهيل المصرفي يكون فاهم كل شي بعد الستة اشهر لان الدورة تعلمه على كل الانظمه اللي يشتغل فيها،، ولكن هم بعد اللي يجي من شركة متعاقدة لو ضغط على نفسه بهالاشهر وشد حيله وعرف البرامج،، بيترسم دامه يعطي البنك،،

حتى الراتب خلال فترة التدريب التاهيل المصرفي قريب جداً من راتب اللي جاي من شركة متعاقدة،،


بخصوص الاختبارات للاخوان والاخوات المتقدمين حديثاً الاختبار سهل جداً جداً ابسط ما تتصور،، ولا فيه رسوب ولا نجاح مجرد اختبار قدرات،،

لكي تتجاوز الاختبار بشكل ممتاز عليك بزياره هالصفحه،، وامش على النصايح في ردي على شرح مع نصايح الاختبار،، ورد الاخ كاتم العبرات مبسط،،
https://www.btalah.com/t5066-7.html

والله يوفقكم جميعاً