هلا فيك اخوي

وما اقول في بداية كلامي غير اجعل من الصبر رفيق دربك ووسع صدرك ...

وانا احب اعلق على بعض الامور كتبتها وهي بالنسبه لمن فقد يد او عين او ساق او من ذوي الاحتياجات الخاصه

اخي االكريم احب اقولك ان العاجز هو عجز النفس وليس الجسد انا اعرف الكثير من ذوي الاحتياجات الخاصه بل شلل كامل والله عقولهم تسوى عقلي الف مره وعنده ذكاء وغيره من هالامور هم حالهم من حالنا لا فرق بينا اذا هم عندهم عجز في اطراف وامور فهذا من الله وسوف يجازون عليه يوم لا ينفع مال ولا بنون يعني خليك من هالامور

ولو انت انسان اعمى مش زي ماتقول اعور او شئ من هالامور هذا لا يمنعك من البحث والمثابره لكي تجد طريقك

انا احذرك من عجز النفس وتكسرها فلا تكن لين لهذه الدرجه يا اخي ترا في ناس كثير مثلك وحالهم اسوء منك

مثلا انا حصلت على وظائف مايحلم فيها اصحاب الشهادات في احد البنوك والمعاملات ولانها حرام تركتها ومافكرت فيها وايقنت ان الله سوف يعوضني عنها ....

والله مرات اضرب مشوار من الشرقية الى الغربية علشان سمعت بوظيفه الرزق يحتاج السعي ...

يعني كم مره فشلت انا وربي فشلت في امور كثيره انا اشوفها فشل علشان ما احمل نفسي لومها مو عيب انك تفشل ولكن العيب انك تبقى على يقين بهذا الفشل ...وزي ماقلت لك حاولت وحاولت والله مرات ما احصل في جيبي 10 ريال اجلس يومين ثلاثه ومرات اسبوع ما في جيبي ريال بس محد يموت من الجوع الجوع الحقيقي هو جوع النفس احنا في بلاد خير والحمدلله

انت حاول وحاول وحاول لا تيأس يا اخي والله مرات تصير مواقف تضحك

خذ هذا الموقف اللي حصل لي

مره قالوا في وظيفه في احد الشركات وفي مقرها الرئيسي وذهبت لمقرها الفرعي بالشرقيه وسئلتهم عن موقع الفرعي الرئيسي وجوابني واحد قال في رياض في رياض واعطاني عنوان مسجل في مقر للشركه رحت وضربت مشوار وحالتي لله واصبح يوم وامسي يوم لما وصلت هناك قلت انا جاي علشان الوظيفه الفلانيه وقالوا الاختبار بالفرع الرئيسي قالوا ايوووه بس هنا مافي فرع رئيسي الفرع الرئيسي في لبنان هههههههههههههههههههههههههههههههههههههههههههههههههه ه من الرياض الى لبنان وربي قويه ضحكت والله

المشكله ان الاختبار في الفرع الرئيسي من شروط الوظيفه وانه يكون سعودي هههههههههههههههههههههه قمة في الضحك انا اعتبرتها مزحه من هؤلاء قلت والله هذا مقلب بس هي هكذا الحياه تحتاج لقوة وصبر وروح طيبه

يعني وسع صدرك وانا اخوك وخل املك بالله كبير واذا فشلت الف مره ثق تماماً انك في الفرصه اللي بعد الالف احتمال تنجح او اكيد تنجح ولهذا لا تجعل لنفسك وقت محدد بل ابحث في كل وقت

والله يرزقك من خيره