اخوي الغالي ابن الهيلا صراحة بديت احب الكوسة من موضوعك

اخوي مبارك عليك اولا شهر رمضان , انا استخرت الله بعد ما قرأت موضوعك في الاسبوع الماضي وبدأت في البحث عن مزرعة وأستشارت البعض اليك القصه والراي لك

اولا بديت برجل في ال60 من العمر وشاورته وقال انا عندي تجربة سابقة والمزرعة مكلفة وقام يذكر سلبيات المزرعة والزراعة وفي الاخير قال الان الوضع تغير شوي والخضار سعرها غالي ممكن تجيب مكسب ولا على وقتي خسارة يعني لم يرفض الفكرة بالجملة والشايب الثاني ماله خبرة في الزراعة ولا عمره ملك مزرعة ولكن حذرني وقال لا تفكر تستأجر ولا تشتري انت منت شايف الما قال والبيار ناشفة خذ حذرك وعسا الله يجيب المطر , وفي الاخير استشرت واحد راعي خبرة وأعذرني جنسيته بنقالي وله 15 سنه في مزرعة بس نخل عجوة وروثانه واصناف اخرى بس الخضار ما كان عنده في المزرعه واول ما قلتله قال خذني معك واجيب لك لو تبي عشر عمال والموضوع مربح جدا وقالي ابحث عن المزرعة في ضواحي المدينة ارخص ولان حنا في الصيف اختبار الماء ووفرته يكون افضل بمعنى انه اذا كان وافر الان في الشتا افضل هذا معنى كلامه وهو متحمس جدا ويقول زي ما تقول الموضوع مربح جدا المهم ازعجني بالاتصال هاااااااااااااااااااه حصل مزرعة ولا لا ,

اخوي ابن الهيلا رايك يهمني انا كيف احكم على المزرعة اخوك ما عمره ملك ولا استأجر مزرعة في حياته ولا ابوي مزارع ولا جدي , قالي واحد متثقف اشوي حلل التربة وشوف نسبة الاملاح وذكر بعض اسماء !!!!! في الارض يقول انها تأثر في الزراعة المهم رااااااااااااااااااايك يهمني جدا بما انك صاحب الفكرة مثلا رحت لمزرعة ابي استأجرها كيف اتصرف مع مالك المزرعة وكيف اعرف ان المزرعة مناسبة من الماء وغيره وكيف اعرف انها صالحة للزراعة

ولك اجمل تحية من المدينة المنورة

انتظر ردك بفارغ الصبر