السلام عليكم ورحمة الله وبركاتة
أخواني أخواتي...كيف حالكم ؟..... جا اليوم اللي أنتظره من زمان بكرة عندي أختبارين .
الاختبار الأول
في مسشفى الحرس الوطني ( مدينة الملك عبد العزيز الطبية ) الساعة 8 الصباح .
والأختبار الثاني في مستشفى الملك خالد التخصصي للعيون الساعة 1 الظهر .
راح أتكلم وأعلمكم عن مافي جعبتي 
من معلومات حول هذه الاختبارات وماتدور حوله .
وأتمنى من أخواني والاخوات الله يوفقهم جميع أذا عندهم
زيادة لاينسونا... ثاني شي بعد الاختبار أيش يصير يقول لنا .
بالنسبة للأختبار مستشفى الحرس الوطني ( مدينة الملك عبد العزيز الطبية)
وهو كالتالي : 100 سؤال طبعاً الاختبار على الحاسب مافيه كتابه ابد
وكلها خياراات اى + بي + سي + دي انسى انك تعبر وتكتب
طبعاً الاختبار مقسم لآربع اجزاء
الجزء الاول وهو استماع يعني تركب السماعه وتضغط تشغيل الصوت
ينطق لك جمله وعلى هالجمله 4 خيارات تختار الصحيحه
الجزء الثاني وهو القرمر
الجزء الثالث وهو كلمااات
الجزء الرابع وهو قطعه عليها اسئله وتختار الجواب الصحيح
وقت الاختبار يا اخوان هو ساعه وخمسة واربعون دقيقه
وتوجد عندي أسئلة عام 2005 في ملف وورد وماعرفت
أنزلها اللي يبي ارسلها له يراسلني وأتمنى من الاخوان اللي
عنده زيادة يفيد أخوانه وبارك الله فيه وأدعولي بالتوفيق في اختبار الحرس
بالنسبة لأختبار مستشفى الملك خالد التخصصي للعيون وهو كالتالي
السؤال الاول/ 20 سماعي من مسجل <<< ياقدمهم المهم
استماع تسمع السؤال من المسجل وعندك اربع اختيارات في دفتر الاجابة. تختار واحد منها
السؤال الثاني / قطعة و عليها اسئلة فراغات و معاني كلمات كلمة وتجيب عكسها
السؤال الثالث/ ارقام تكتبها كتابه مثلآ 350اكتبها كتابه
السؤال الرابع/20 جرامر و قواعد الكتابة من الكبيتال و السمول و النقطة و علامة الاستفهام
وبالنسبة للتعبير يعطونك صورة طفل مجتمعين عليه أطباء ويقولك عبر وتكلم عنها وهذي الصوره الي تجي لاغلب الناس
هذا الي يحضرني حاليأ من الاسئلة
وان شالله تستفيدون وتتوظفون يارب وأدعولي بالنجاح بكرة
بالتوفيق للجميع