والله ودي أبكي وأشهق لين الكل يسمع صوتي
زوجي خريج جامعي لغه عربيه وعاطل له 4 سنين
والله العظيم مافي وظيفه جات ماقدمنا فيها
كنا معلقين كل آمالنا انه يتعين هذي السنه لكن ماله نصيب والحمدلله
اقسم بالله العظيم ان النفسيه خايسه
زوجي يكد بسيارته عشان يقدر يعيشني
وفي كل مكده قسيمه ورا قسيمه بسبب تحميل ركاب لين وصلت القسايم 18 الف
بالله وش نهاية هالعطاله ؟؟
من وين الواحد ياكل ويشرب؟؟
ايجارات غاليه - عطاله بكل مكان - نص الشعب شاب شعره - حتى أحلامنا تبخرت
والسبب هالعطاله
كل بنت وكل شاب يتمنى يكون عنده طفل واحنا شايلين هم إذا جونا من وين نأكلهم ونشربهم ونلبسهم
والله العظيم أحس حياتنا عالهامش بس الحمدلله على كل حال
وش شعوركم إذا الرجال بكا وشافته زوجته والسبب الديووون ووسخ هالدنيا
والله حررررررررررررررررررام كل شي بالواسطه
ليش فاتحين مدارس؟؟
لو يقفلونها أحسن لين يوظفون هالشعب
الواحد يضيع نص عمره وهو يدرس بالأخير داير بالشوراع يدور رزقه
ويذله من الي يسوا والي مايسوا
والله ان بيدهم هالمسؤلين بعد الله كل شي
تخيلوا لو زادوا عدد المدارس وطلبوا في كل مدرسه بدل 3 معلمين لغه عربيه 6 أو أكثر
والشريعه نفس الشي عالأقل كل معلم يمسكله فصل أو يمسكله مادتين
وبدل مايحطون في الفصل 40 طالب يحطون 25 طالب في كل فصل
والانقلش والكيمياء والرياضيات كلها نفس الشي...
أو يسوون مشاريع ويوظفون هالمساكين وبرواتب زينه مو يقولون والله تكرف طول اليوم وراتبك 1500 << قسم بالله راتب خدامه
آآآآآآآآآآآآآآآخ بس والله ان الشكوى لغير الله مذله بس حسبي الله عليهم
تصدقون يابنات والي يحفظلي زوجي ويخليه ان عمري 22سنه وشعري بدا يشيب وزوجي عمره 29 والله العظيم ان الشعر الأبيض ملا راسه وبدا يصلع
بس حسبي الله ونعم الوكيل
شكينا وبكينا لين انبحت أصواتنا واختفت ولا أحد تلفت حولنا