ودي أكون,,,يسلمك ربي ويسعد ايامك يارب..

الله حسيبي على الايام دواره = ماكنت احسب انها في يوم ترميني
شفت اللذي شدني من دون مااختاره = تافه ولكن احس انه يناديني
وترى اللذي مثلي الا عاد تذكاره = على ثلاث اعمده ما به رجاء فيني
ملعب حواري قديم وطافي انواره = ومن الشجن فيه ما يلفت نظر عيني
عادت على الطفل من نعومه اظفاره = وعادت بي الذكرايات وماضي سنيني
في يوم انا كنت كبتن شله الحاره = العب وسط نزعه التهديف تغريني
ما شفتني يوم انا انزل لابس الشاره = ما كني الا (فولر ) والا (بلاتيني )
الالعبهم لعبة الفارس بمظماره = ومن وين ما مالت الهجمه تلاقيني
اشنها ضدهم غاره بأثر غاره = وترتد واقف لها وقفات (مالديني )
واشوت شوت اللذي يلعب نظاره = او كن رجلين (زين الدين) رجليني*
تسديتي تجيك مبرومه وفراره = اتقنت شوتات (روبرتو) بتمريني
واحيان مثل (الدخيل ) وجاسم يساره = والا كما (ماجد) و((يوسف)) على يميني
ضاعت ايام الطفوله ماتت اخباره = ومات الشقى اللي على صغري مخاويني
مابقى الا التعب والهم وانصاره = واوراق بيض وقلم عيى يعزيني
وياوالله حسبي على الايام غداره = ماكنت احسب يجي يوم تنهيني


ودمتمممم.....