شئ يفرح والله لما نشوف سعوووديه بمثل افكــارك وطموحك وابداعاتك .
عسى الله يوفقك يارب
وانصحك ماتستعجلي > > في فتح محل او مؤسسه خاصه فيك ..
لازم تنزلي للسوق وتشوفي وتكسبي خبره اكبر > لنجاح مشروعك بعد توفيق الله
وايضا لاتنسي : انتي تعاملتي مع اهلك ونجحت تصاميمك
بس راح يختلف تعاملك مع الزبائن اللي بالسوق عن تعاملك مع اهلك
يعني فيه ناس مايعجبها العجب > > كل يوم له راي وفكره حاب انه يسويها .. وممكن يسبب لك مشاكل.
والثقه بينك وبين العميل مهمه (بشروط وعقود موثقه) > كثير نسمع بان العميل ما التزم بدفع المبلغ او انه اوقف العمل لانه ما عجبه وزي كذا .
وايضاً المواد اللي تستعمليها > > انا دائما اسمع ان بعض المشرفين او مصممين الديكور يحصل على المواد بسعر ارخص من سعر السوق > > ويمكن هذا السبب اللي يخلي اسعار مؤسسه ارخص بكثير من اسعار المؤسسه الثانيه.
لاجل كذا انصحك انك تزيدي من خبرتك من حيث التعامل من العملاء
وفهم متطلباتهم .. ودراسة السوق بشكل اوسع > ولاجل ماتتفاجأي بعدها بأي عقبه تواجهك في مشروعك..
ـــــــــ
فيه مجمع بالرياض: اسمه (يلــدا) مدينة البناء والتصميم. > على طريق الدائري الشرقي(مخرج17)
الى الان ما افتتح و هو في مراحله النهائيه و راح يكون قريب موعد افتتاحه .. وهو مجمع يضم جميع مكاتب المقاولات والمكاتب الهندسية والتصميم والبناء . وراح يكون هو الاول من حيث التجمع.
ياليت انك تزوري المجمع قبل افتتاحه لاجل تاخذي فكره عنه وفي حال انك تبين تفتتحي محل او مؤسسه خاصه فيك..
وعسى الله يوفقك يارب ..