وانا ابداء لك من السعر الاقل قد تذهب الى محلات وتجد الاسعار تبداء من20
لكن انا اقول لك بشكل عاااااام يعني الاسعار الى قلتها لك اسعار السوق بشكل عام
وحسب الجودة يعني الى قلت لك سعره 15اكيد ماراح يكون مثل الى سعره 25 ريال
الى سعره 15هو خلاص الاحساء
ويكون حجم الحبة صغير ولونه مائل للاسود يعني مو اشقر
بالعربي ماحد يشترية الا الى مايعرف التمر او يدور الرخيص وفي ناس يشترون اي شي اهم شي تمر
وفي ناس لا وهم الاغلب يتعبون في الشراء يعني مو اي تمر يشترون لازم مواصفات
يعني بالعربي الحبة تكون صغيرة وتكون قاسية مو دبساء او لينه يعني لو اجيبه لك ماراح تشترية الا اذا انت ماتفرق عندك النوعية يعني اذا اهم شي تمر راح تشترية
لكن اذا تبي التمر الخلاص الحساوي الجيد ولونه ذهبي وحبته وسط هذا سعر الكيوا 20وطالع وبـ 23ريال
واوضح لك لاني اشوفك ما استوعبت 15ريال
في سيارات يابانية سعرها 350الف
وفي 35الف
لكن حسب المواصفات
وهنا بالتمر حسب الجودة واللون
لان التمر الى قلت لك سعره 10ريال يكون حبته صغيرة مثل ماذكرت فوق ويكون كله قشر ولونه مائل للاسود والمشكلة انه انتاج العام الحالي وليس له سنه او قديم بل انتاج جديد
لكن المشكلة ان البعض لونه اسود وهو جديد لان بعض المزارع مؤجرة على هنود وبنجلاديشين وهم مايعرفون شي وخربوا النخيل اهم شي يبيعون فينتجون نوعيات اي كلام والى اظهر القشر في التمر هو عدم سقيا المزرعة جيداً لكن هالتمور صدقني تشترى بكميات كبيرة
لان العمال الى يستاجرونها همهم البيع فقط والمشكلة فيه ناس تشتري
واغلبهم مسؤولين بجمعيات خيرية ((حسبنا الله عليهم لانهم يوكلون على ان يشترون تمر جيد ولكن يشترون تمر ردي وانا لا اعمم هناك بعض الجمعيات تشتري نوع ردي ومعروفه عند بعض المزارع لاهم يوزعونها على فقارى ومساكين) يعني انا قلت لك موجد هذا السعر لكن الى يشترونه معينيين
وبالنسة لا انك تشرية وتكنزة
لا ..انت تشترية جاهز
وبالامكان تشترية رطب وتكنزه
وبالنسة لكلامك عن الشحن
اكيد تقدر تشتريها وتشحنها
والسعر على حسب الكمية يمكن انت تروح لمزرعة نفس المزرعة الى شاري منها المحل الى يبيع لك بسعر15 ولما تروح للمزرعة يقول لك20
السعر يعتمد على الكميات
يعني انت لما تشتري 10 كراتين تفرق عن انك تشتري الف كرتون
اعتقد وصلت لك الفكرة