يتبع............................................
جاني عاشق الريم بعد ماصحى ........واعتذر لي .....بس وهو يكلمني انا ما ادري وش يقول انا اطالع في الحلق اللي حاطه في اذنه .......والرجال يبكش علي يقول انه هو اللي اكتشف امريكا قبل كرستوفر كولمومبوس.....و جالس يقردني وانا ماني حوله....وقاعد يقولي انه هو اللي ضبط الشاهي لماجلان قبل ما يسافر.....منظر بكالريوس عاطل وهو متعلق فوق السفينة شــــــــــــــــي.....
قال شوف ياشمراني: انا راح اعينك مدير سفينة........بس ابغاك تتعاون معي........
قلت: تبي تعرف وين الكنز؟؟
بقول لك بس ما ابي احد يسمعني لما اقولك
صرف الشله اللي معه وقال :بسرعه اعترف
قلت: ترا اخوياك ناوين عليك
بيخونونك وسمعت قلب المملكة بعد يقول انك ماعندك ماعند جدته وانك ريس على الفاضي ..وانه اطول منك ......بس صراحة قلت له عيب الكلام هذا .....لكن هو راكب راسه...
وسلوم يقول انه هو اللي ملبسك الشماغ اللي على راسك ......وانه هو اللي مضبط لك التشخيصة يوم طلعت في اوربيت...ويقول كمان اصلا انت ماتعرف شي........وبس يوصلون الصحراء بيرمونك فيها............
وقاعدين يدبرون مؤامره عليك بيتخلصون منك وياخذون الكنز..
عاد انا ما احب الظلم لأن الظليمه شي ,, وقلت اساعدك عشان نتخلص منهم وبعدين ناخذ الكنز أنــاوأنـت (مسوي فطين الولد)
هاااااااااااااه وش رايك ..
قال: براسك .. بس وشلون نخلص منهم(صدقني الدلخ ذا)
قلت: ماعليك انا افكك منهم .. وخليته يوثق فيني
رحت لخويانه وقلت لهم لوتدرون وشقال عاشق الريم اللي حاطينه ريس عليكم
قالوا : وش!!
قلت:يبي ياخذ الكنز لحاله ويبيني اساعده (بدا شغل الفتنه)....وقال كمان بيعطيك الباند وبيقفل المنتدى ...........
بس قلت بنفسي حررام انكم تطلعون من السالفه بلوشي وانا بساعدكم ..
ويقول كمان ان الساعة اللي مع سلوم.....اصلا له بس مايبغا يخذها عشان لايبكي........
الحـــاصل اني شبيت النااار بينهم وعبيتهم على بعض..
وبكيفهم ماالي دخل فيهم ..يصطفلوو .. المهم انحااش منهم
وبصمت شديد ,,
انسحبت ورحت ادور على خويي ..
درت و درت وبعد مجهود شاق
لقيــــــــــــــــته ..
قلت له : ازيك ياحبيبي .. دنت واحشني مووت
ناظرني بطرف عينه وقال : انت وش جابك!! ماذبحووك..
قلت:نعم !! وشوو ماسمعت عيد ياحلو..
قال: يوو يالذا اللزقه..
قلت: انا لزقه ؟؟؟؟؟؟.. ومن اللي نشب للثاني واخذه معه..
قال:خلاص غلطت يوم جبتك .. روح بيتكم يلاااا..
قلت: امـــا اروح بيتنا,,
ما في أمل ..بعد ذي اللفه اطلع من المولد بلا حمص..
لاياحبيب امك بنتقاسم الكنز ففتي ففتي
قام الولد بيضارب..
قلت :يلا ورنا شطارتك(مع انه ماكان لي خلق مضاربة يكفي خشمي اللي تقطع من المضاربة الاولى والفلقه اللي بجبهتي)
وياخذ حصاة ويحذفني على جبهتي (يابن اللذين انت ماعندك الا ذي الجبيهه- الجبيهه لغير الناطقين بلغتنا دلع جبهه وفي روايه تصغير الجبهه - )
واسمع صوت يقوول: الدبلومااااااااااااااسي صمم يصم العدو ,,
قوم عندك دوام شوف الساعه كم ,,
كل ذانووم..
انت من وين تجيب النوم..
فتحت اعينني ,, واشوف خويي فوق راسي ..
قلت : وينه والله لوريه
قال ماي فرند: بسم الله الرحمن الرحيم ,, وش فيك انت انخبلت يا ورع ..
قلت: هااااه ,, ولاشي خلاص انا قايم الحين ساعه و انا نازل..
ويروح خويي ,, واقعد افكر , يووووووو كل ذا حلم مو معقول بس حلم مال امه داعي ,عاشق وسلوم وقلب المملكة قدامي وين ما اروح( في المنتدى وفي الديوانية وفي الماسنجر وفي الجوال ), يعني وش بيصير لو اخذت الكنز في الحلم بدل ذاك المصقوع ,, هو احسن مني بأيش هااااااه... قولولي ياجماعه
حاجـــــــــــــــــــة تبكــــــــــــي .....
واقوم اتجهز ,,
ووقفت قدام المرايه حوالي نص ساعه ,,ابيه يطلعلي بكمل هواشي معه بس مافي امل(لو طلع انهبلت بجد)
بس مدري
يمكن يطلع لي يوم من الأيام ,
::الزبده من الماضووع::
::1::
لاتروحون مع احد ماتعرفونه ,, والاهم اسمعوا كلام الماما واشربوا حليب قبل النووم
::2::
لو جاتكم عطسه في وضع لايمكن لكم اخراجها حاولوا تكتموونها عشان ماتنكشفوون وتتورطوون(امزح ترى مو زين تكتمون العطسه ابد ..الدختوور هو الليي قول كذا)
::3::
لاتتهاوشون مع الناس على أي شي,,ولاتكونون مشكلجيين,, يمكن تنفلقون مثل فلقتي ..وذيك الساعه تقعد لكم الفلقه عاهه مستديمه
::4::
لوعندكم دوام والا جامعه والامدرسه الصبح لاتسهروون ,,عشان ماتفغرون قدام الناس..
::5::
والأهم ,, لاتتأثرون بافلام كرتوون والاحسن لاتتابعونها .. خلاص تراكم كباار..
انتـــهى
واستروا ماوجهتو .