استفسر أحد الأعضاء عن ماهية المقابلات في تخصص الحاسب فكان الرد:
(وضعته حتى يستفيد الجميع)
ماعندي أي خلفيه عن المقابلات في تخصصك بس أكيد رح تكون أسئله عامه في التخصص..
بس خليك مستعد للأسئله .. يعني ممكن يسألوك إش كان مشروعك في السنه الأخيره أو إش قد عملت (برنامج) أو يسألوك عن أحدث التكنولوجيا في الحاسب وبرامجه..
حاول تبين لهم في المقابله إنك فاهم أكثر منهم..
تفلسف كثير حتى لو تكذب.. يعني قول صممت البرنامج الفلاني .. وأنا مشرف في كذا منتدى (وخلها منتديات متعلقه في الحاسب)..
تكلم عن أحدث أخبار الشركات مثل مايكروسوفت .. قوقل .. فيس بوك.. إلخ
يعني حاول لما يعطوك سؤال تجاوب بتوسع وتستحوذ على كامل الجلسه..
منها تضيع وقت .. ومنها عشان مايسألوك إلا قليل.. ومنها إنك قلت كل اللي عندك..
أفتكر صحبتي قد عملو لها مقابله لوظيفة معيده حاسب في كلية المجتمع
تقول من كل قسم وحده.. يعني أستاذه من الدراسات وسألتها سؤال عام في الدين.. وأستاذه في الإنقلش وأعطتها كتاب وقالت لها إقري البرقراف.. وإش فهمتي منه.. أما الباقين ماأدري..
بس حتى صحبتي اللي مقدمه على وظيفة معيده في جده في جامعة الملك عبد العزيز .. سألوها عن لغتها وأعطوها كذا كلمه وقالو ترجميها
يعني هما يركزو على الإنقلش لغير المتخصصين فيه